HOSEA 7:2 - Biblia Ilagho Jiboie Kwa Wandu Wose

² Ela ndewiwuemanya wei nawuyarikumbuka kazi rawo mbiwi rose. Mabonyo ghawo ghawimara chia rose na kuwikwa imbiri kwapo.”

HOSEA 7:2 Referans Kwoze

LUKA 12:2

Angu ndekuwadie kindo chingi chifinikiro, chisechaawoneka worinyi, hata ilagho jingi jivisiro jisechaamanyika anduangi.

ZABURI 90:8

Kwaghifunukua mawiwi ghedu imbiri kwako, iro kaung'a redu ra kiviso reko worinyi imbiri yako.

AMOSI 8:7

BWANA, uo Mlungu wa Israeli waghemie, “Kwa loli jingi nidua niseliwie mabonyo ghawo ghizamie.

JEREMIA 14:10

BWANA waghora huwu aighu ya awa wandu: “Wadakunda tu kumara-mara, hata ndewikumaziriagha weni; kwa huwo BWANA ndewirumirie, nao uchaghikumbuka mawiwi ghawo na kuwikaba kwa wundu ghwa kaung'a rawo.”

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

JEREMIA 16:17

Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 4:18

Ni chia rako na mabonyo ghako gheni ee Juda, ghakuredia agha, iji nijo ikabo jako. Jabirie, najo jangia kondenyi ngolonyi kwako.”

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

ZABURI 25:7

Kusakekumbuka kaung'a na makosa gha wudawana ghwapo ee BWANA; kunikumbuke kwa wucha ghwako kunughana na lukundo lwako lukatie.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

ZABURI 50:22

“Zighanenyi ijo ilagho inyo muniliwagha, nisechemrashua hata msowe mndungi omkira.

AYUBU 34:21

“Mlungu wadazighana mighendo ya mdamu, na kuwona milambo yake yose.

WUKUMBUSO 32:29

Walemwa ni kutambua kwaki wisimilo; ndewidimagha kutambua niki chibonyekie.

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

ISAYA 44:19

Ndekuwadie mndungi umanyagha, hata ungi utambuagha ughambe, “Nusu ya ughu mudi naghukorieghe, na maka gharo ngaocha nagho mkate, hata nyama wori naocha ngaja; yakaia wada sena nibonye iji ilagho ja wuchafu? Welee, nighoghomie kilingo cha mudi?”

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

JEREMIA 17:1

“Kaung'a ya Juda eandikwa na kalamu ya chuma, mbari reekotwa aighu ya vibau va ngolo rawo rikaashingwa wudovu ghwa almasi; na aighu ya mbembe ra madhabahu ghawo wori,

JEREMIA 44:21

“Welee, BWANA nderekumbukieghe na kuririkanya aighu ya marumba moreghifukirieghe andenyi ya mizi ya Juda na chia ra Jerusalemu, inyo mmbose na weke ndeyo, wazuri wenyu, na wabaa wenyu na wandu wose wa isangenyi? Welee, agho ndegheremchieghe BWANA akilinyi kwake?

HOSEA 4:9

Mchapatwa ni ikabo karakara na wandu. Nichamkaba; nani nicham'bonya mkabo kwa wundu ghwa ugho wuwiwi mwawuyaghubonya.

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

JONA 1:2

“Wuka kughughendie ghuja muzi m'baa ghwa Nineve, kughuchilie; angu nawona seji wandu waro wakaia wawiwi.”

ZABURI 10:11

Uo mundu mmbiwi waghamba ngolonyi kwake, “Mlungu waliwa; wafinikira wushu ghwake hata ndeniwonagha.”

EZEKIELI 21:29

Ngelo wimlaghuyagha na kuwona mawono gha tee kwa wundu ghonyu, wichadumbulwa marangi na ulo lufu, kwa wundu ghwa wuwiwi ghuzamie nandighi. Ituku jawo ja kutua jekabwa jameria kuvika.

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.