HOSEA 7:16 - Biblia Ilagho Jiboie Kwa Wandu Wose

¹⁶ Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

HOSEA 7:16 Referans Kwoze

HOSEA 9:3

Wandu wa Israeli ndewichaakaia isangenyi ja BWANA, ela wichawuya cha Misri na kuja vindo viseelie aho Ashuru.

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

EZEKIELI 23:32

Bwana MLUNGU waghamba huwu: “Kuchanywa kikombe cha mwanyinyu kibaa chiko ndenyi, kuchasekwa na kumenywa kukichiwadia angu chachua nandighi.

ZABURI 73:9

Wadeda kiwiwi aighu ya Mlungu uko mlungunyi, na kufunyira wandu wiko ndoenyi memu kwa lukaso.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.

ZABURI 12:4

awo wighambagha, “Dichawisima kwa kukudederie diweni; deko na memu yedu, nani uchaadibonyera nguma?”

WUFUNUO 13:5

Na iyo nyamandu erenekeloghe kughora malagho gha masholio kwa lung'eto, ikanekwa meri mirongo ina na iwi ebonya nguma.

2 PETRO 2:8

(Angu uja mundu wa hachi orekoghe ukisirimika ngolonyi kwake ituku ituku, kwa wundu ghwa maza rizamie orekoghe ukiriwona na kurisikira, iji orekoghe ukikanya nawo.)

JAKOBO 3:5

Huwo koni lumi ni kia kitini, ela lwakukasa kwa maza nyingi. Wona seji msidu m'baa ghudimagha kukorwa ni modo mtini!

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

MATHAYO 12:36

Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe.

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

EZEKIELI 36:20

Ela andu kose wereghendieghe kwa iro mbari ra wandu, werejilushireghe irina japo jielie; na kwa wundu ugho, wandu wikakaia wikiwizera, ‘Awa ni wandu wa BWANA, ela sena ikakaia wifume isangenyi kwake.’

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 3:10

Aighu ya agho ghose, uja Juda wa kwawo useko mloli nderewurieghe kwapo kwa ngolo yake yose, ela odeeka ukibonya mikalo tu, waghamba BWANA.”

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ZABURI 78:37

Ndewerekoghe na irumirio jimange kwake, hata ndewerekoghe waloli kwa ilaghano jawo nao.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

ZABURI 52:2

Kwadabonya mipango enona wambenyu. Lumi lwako looka sa shembe ikalie; matuku ghose kwadadunga tee.

ZABURI 12:3

BWANA ndenyamire memu ya mikalo, na chumi rikukasagha;

ZABURI 17:10

Ndewine wughoma, wiadeda kwa lubando.

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

MALAKI 3:13

“Mwadedie kiwiwi aighu yapo, Ela sena mwaawuyaghamba, ‘Dadedie kiwiwi aighu yako wada?’

MALAKI 3:14

Inyo mwaghambie, ‘Ni duu kumdumikia BWANA. Eko fwaidaki ewadia malaghiro ghake na kughenda dikihea imbiri kwake kwa agho dighibonyere?

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

HOSEA 9:4

Ndewichadima kumfunyira BWANA vizongona venywa andenyi ya agho masanga, hata vizongona vawo ndevichaamrira BWANA anduangi. Vindo vawo vichamlusha kula mundu uvijagha; kwa kukaia vichakaia sa vindo va ifonyi. Vichakaia tu kwa kuinja njala, hata mkate ghwaro ndeghuchaaredwa andenyi ya Hekalu ya BWANA.