HOSEA 7:15 - Biblia Ilagho Jiboie Kwa Wandu Wose

¹⁵ Hata ngera ni ini niwijosere na kuwingira ndighi, ela waawuyaghesha kiwiwi aighu yapo.

HOSEA 7:15 Referans Kwoze

NAHUMU 1:9

Ni njamaki mbiwi mwawuyam'bonyera BWANA? Uchamtotesha putu. Ndekabagha wandu kawi.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

MABONYO GHA WADUMI 4:25

kwa momu ghwa aba odu Daudi mdumiki wako, koreghorieghe kwa Roho Mweli: ‘Kwaki wandu wa mbari zima wabia, na wandu kubonya njama ra duu?

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

MAKATANISHO 3:11

Mwana wapo, kusakemenya kukania kwa BWANA, hata kusezamilo ni kukemia kwake.

ZABURI 94:12

Warasimilwa uo mundu kumkaniagha kwa kumkaba ee BWANA, uo kumfundishagha Sharia yako.

ZABURI 62:3

Mulwa na mundu mkimtang'aria hata lii? Nao ooka sa wurigha ghughomekie, na luvuna luchikagha?

ZABURI 2:1

Kwaki mbari ra wandu rileghagha, na kubonya mipango ya duu?

AYUBU 5:17

“Warasimilwa uo mundu ukanilwagha ni Mlungu, kwa huwo kusekemenya iji kwakanilwa ni Uo-Uwadie-Ndighi-Rose.

2 WAZURI 13:23

Ela BWANA ukakaia na wughoma aighu ya wandu wake, ukaghaluka uwitesie kwa wundu ghwa ijo ilaghano orejibonyereghe na Abrahamu, Isaaka, na Jakobo; ndewerewitoteshereghe hata nderewisighieghe jingi.

2 WAZURI 13:5

(Kwa huwo BWANA ukawineka Waisraeli mkiri, ukawifunya mikonunyi kwa Wasiria, wikakaia isangenyi kwawo sa iji koni werekoghe.

ZABURI 140:2

Wadabonya mipango ya wuwiwi toe, na kubonya sheshe rereda marashano.

HOSEA 13:9

“Nichamnona ee wandu wa Israeli! Nani udikagha kumtesia?