HOSEA 7:1 - Biblia Ilagho Jiboie Kwa Wandu Wose

¹ “Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 7:1 Referans Kwoze

HOSEA 7:13

“Ni bugha kwawo! Wanileghie na kunisigha. Wichatoteshwa. Kumangu nawikombua ela waawuyanitasa icho kisha.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

LUKA 19:42

ukighamba, “Na wei kodemanya idime iji iro maza riredagha sere! Ela idana rakuvisikia!

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

MIKA 6:16

Kuchapatwa ni agha malagho angu kwaawuyanugha mafundisho gha Mzuri Omri, na gha mwana wake Mzuri Ahabu. Kwanughie njama rawo, nani nichakunona putu, na kula mundu uchakumenya. Kuchamenywa ni wandu kula andu.”

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

HOSEA 11:12

BWANA waghamba, “Wandu wa Israeli wanimara chia rose kwa mikalo na tee, na wandu wa Juda waduagha wikinilegha ini, mloli na Mlungu mweli.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

HOSEA 8:9

Wandu wa Israeli waghendie cha Ashuru, sa punda wa isakenyi umaraa-mara uekeri, wakuwikie wandu wa mbari zima welipwa wipate kuwilindia.

HOSEA 8:5

Naawuyazamilwa ni mlimu ghwa ngache ya dhahabu ghutaswagha ni wandu wa muzi ghwa Samaria, neeka na machu mabaa aighu yawo; ichadwa ngelo ing'ane wada ima witane nayo?

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 4:17

Wandu wa Israeli weekuranganya na milimu, wisighenyi wiekeri.

EZEKIELI 23:4

Uja mwai m'baa orewangwaghwa Ohola, na mruna orewangwagha Oholiba. Ngawilowua wose wawi, nawo wikava wana wa womi na wa waka. Kunughana na marina ghawo, Ohola ni Samaria; na Oholiba ni Jerusalemu.

EZEKIELI 16:46

Mwanyinyu wa waka m'baa ni Samaria, uo orekoghe cha kaskazinyi yako na mizi yake; na mwanyinyu wa waka mtini, uo orekoghe cha kusinyi chiaimweri na mizi yake ni Sodoma.

JEREMIA 51:9

Waghenyi wiko aho wikaghamba, ‘Kumangu daghuboisire muzi ghwa Babuloni, ela ghoolema kuboisika. Ghusighenyi noko dighende kula mundu cha isangenyi jake; kwa kukaia kutanywa kwake kwavikie mlungunyi, nako kwawusirilo hata mawingunyi.’”

ISAYA 59:12

“Angu makosa ghedu ghachurikia nandighi; kaung'a redu radishitakia. Isi darimanya to.

ISAYA 28:1

Ni bugha kwa wuzuri ghukukasire ghwa Israeli! Wubaa ghwaro ghwaawuyaida sa kirumbu cha mboi chiko vongonyi kwa vilongozi viwongiagha. Wakukasa kwa kukushinga marumba vongonyi kwawo, ela waawuyabwaghwa ni chofi.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 12:2

BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

AMOSI 3:9

Tangazirenyi wandu wikaiagha ngome ra Ashdodi na ngome ra isanga ja Misri muwizere, “Kwanyikenyi aighu ya mighondi ya Samaria; mzighane iyo ndoghoi iko aho, na makorongo ghawuyabonyeka aghadi yaro.”

AMOSI 3:10

BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”