HOSEA 6:9 - Biblia Ilagho Jiboie Kwa Wandu Wose

⁹ Wakohani weeka sa vitoi vilaliriagha mundu. Wadabwagha hata achienyi ya wueli eghenda Shekemu. Wadabonya maza iri rose mbiwi kwa kidali tu.

HOSEA 6:9 Referans Kwoze

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

JOHANE 11:47

Niko Mafarisayo na wakohani wabaa wikakwanya Mwandu, nawo wikaghamba, “Dibonya wada? Mundu uhu waawuyabonya weke mwakilimbiti wengi.

MARKO 14:1

Idana, ghedesighwa matuku awi tu kuvikia Ndima ya Pasaka na ya Mikate Isewadie Chachu. Wakohani wabaa na walimu wa Sharia werekoghe wikilola chia emmbwada Jesu kwa wuya, wim'bwaghe.

ZEFANIA 3:3

Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho.

MIKA 3:9

Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee.

EZEKIELI 22:27

Wabaa wa ugho muzi weeka sa vikwau virashuagha madiwo ghawo; wibwaghagha, na kutotesha wandu, eri wipate fwaida isefwane.

EZEKIELI 22:9

Weko wandu kwako wikufunyire kughora tee kwa kubwagha wandu. Wamu wiaja vizongona vifunyiro kwa milimu a mighondinyi, na kubonya maza ra wulaki aghadi konyu.

JEREMIA 11:9

BWANA ukanizera sena, “Koko kuleghasikira aghadi ya wandu wa Juda, na awo wikaiagha Jerusalemu.

EZRA 8:31

Ituku ja ikumi na iwi ja mori ghwa imbiri dikafuma Moda ghwa Ahava kughenda Jerusalemu. Mlungu odu orekoghe andwamweri nesi na kudilindia disekabo ni wamaiza na wandu wedilaliria chienyi.

1 WAZURI 12:25

Mzuri Jeroboamu wa Israeli ukaagha ngome Shekemu, isanga ja mighondinyi ja Efraimu, ukakaia aho. Ukafuma aho na kuagha Penueli.

MABONYO GHA WADUMI 4:24

Nawo iji wasikira agho, wikamlomba Mlungu chiaimweri kwa chwaka rawo wikighamba, “Ee Bwana, Muumbi mlungunyi na ndoenyi na bahari na vose viko andenyi yaro;

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

EZEKIELI 23:27

Huwo niko nichaameria wulaki ghwako na wumalaya ghwako kughuredie kufuma isanga ja Misri, hata ikaie kusedime kuwiwona angu kuwikumbuka sena.”

HOSEA 2:10

Idana nichafunukua wuchafu ghwake imbiri ya wakundwa wake, hata ungi ndechaapatika omvuvua kufuma mikonunyi kwapo.

HOSEA 4:2

Waawuyabonya malaghiro na kughichikanya; waawuyaghora tee, kubwaghwa, na kuiwa, na kulaka. Wachua kuchikanya sharia, na kuchuria kubwagha.

HOSEA 5:2

mwawurie kina kibaa kwa muzi ghwa Akaiki, nani nichamkaba mmbose.

KUZOYA 12:6

Abramu ukaida aghadi ya isanga, ukavika andu kuwangwagha Shekemu, kwa mudi ghwa kuela ghwa More. Matuku agho, Wakanaani werekoghe aeni isangenyi.

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.