HOSEA 6:1 - Biblia Ilagho Jiboie Kwa Wandu Wose

¹ Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

HOSEA 6:1 Referans Kwoze

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

AYUBU 5:18

Ukashoghonua, ufunga; ukakaba, uboisa.

1 SAMUELI 2:6

BWANA wadabwagha na kukaisha moyo, wadasera wandu Andu kwa Wafu na kuwirukisha.

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

JEREMIA 33:5

Wamu waro wichacha kulwa na Wababuloni nawo wichabwaghwa, na kurichura iro nyumba ra awo wandu nichaawibwagha kwa machu na kubia kwapo; kwa kukaia namerie kughughalukia na mbai ughu muzi kwa wundu ghwa wuwiwi ghwawo ghose.

ZABURI 30:7

Kwanimangishire sa mghondi m'baa kwa wucha ghwako ee BWANA; ela iji nerekusowieghe, ngaobua.

JEREMIA 30:12

BWANA waghamba, “Kushoghonoka konyu ndekuchaaboa jingi, na chonda chenyu chazamie.

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ZEFANIA 2:1

Inyo mbari isewadie waya, kwanyikenyi mmbose m'bonye ikwanyiko

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”

AYUBU 16:9

Mlungu wanirashue-rashue kwa machu ghake; wazamilo ni ini na kuja maghegho aighu yapo. M'maiza wapo waawuyanizighana kiwiing'iwi.

ZABURI 6:2

Kuniwonie wughoma ee BWANA, angu naawuyasia; kuniboise BWANA, angu maindi ghapo ghianiwawa.

ZABURI 71:20

Oho kunibonyere ngapatwa ni wasi na matiriro, kuchaniwusira sena. Kuchanifunya sena kufuma andu kuko ndenyi kwa ndoe.

MCHILI 3:3

ngelo ebwagha na ngelo ekira; ngelo evuchua na ngelo eagha;

ISAYA 17:7

Ngelo iyo, wandu wichammanya Muumbi wawo na meso ghawo ghichamzighana Mlungu Mweli wa Israeli.

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

JEREMIA 50:5

Wichakotia chia eghende cha Sioni na mawushu ghawo ghikilangaya aho, wikighamba, ‘Choonyi diwadane na BWANA kwa ilaghano ja kala na kala jisechaaliwika jingi.’

KILILO CHA JEREMIA 3:11

Wanifunyire chia na mbai ukanirashua-rashua; ukanisigha nisewadie wutesia ghungi.

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

HOSEA 12:6

Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.

WALAWI 14:48

“Ela mkohani ukacha kuzighana, nao usowe mruruwe na nyumba yakabilo plasta, uchaighora iyo nyumba kukaia ielie, mruruwe ghwainjiro.

2 MALAGHO GHA NGELO 30:6

Niko wadumwa wikaghenda andu kose Israeli na Juda, wiko na barua rafuma kwa mzuri, na wanjama wake; riandikilo malaghiro gha mzuri huwu: “Ee wandu wa Israeli, wuyenyi kwa BWANA, uo Mlungu wa Abrahamu, Isaaka, na Israeli eri upate kummburia inyo wandu msigharikie na kufufunuka mikonunyi kwa wazuri wa Ashuru.

AYUBU 22:23

Mmburie Uo-Uwadie-Ndighi-Rose, kukusere; kuinje wuwiwi ghwawuyabonywa nyumbenyi kwako.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.