HOSEA 4:6 - Biblia Ilagho Jiboie Kwa Wandu Wose

⁶ Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

HOSEA 4:6 Referans Kwoze

ISAYA 5:13

Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

MAKATANISHO 19:2

Ndeiboie mundu kusowa kumanya; mundu wa shwa-shwa wadakungira ndengonyi.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

MATHAYO 15:8

‘Wandu awa wanibonyere ishima kwa momu ghoni, waghamba Mlungu; ela ngolo rawo reko kula nani.

HOSEA 8:14

“Wandu wa Israeli waaghie ngome, ela wamliwie Muumbi wawo. Wandu wa Juda waaghie mizi ya ngome, ela nichaduma modo aighu ya iyo mizi ghukore ngome na mizi yawo.”

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

2 MALAGHO GHA NGELO 15:3

Kwa ngelo ndacha wandu wa Israeli werekoghe wiseko na Mlungu wa loli, wiseko na mkohani owifundisha, hata wiseko na sharia;

HOSEA 13:6

Ela iji morejieghe mkaghuda andenyi ya isanga ja ilaghiro, morekujosereghe ngolonyi konyu mkaniliwa.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

AYUBU 36:12

Ela wikalegha kusikira, wichatota wudenyi, nawo wichafwa wisemanyire kindo chingi.

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

ISAYA 3:12

Wandu wapo wadakorongwa ni wana, na waka wadawibonyera nguma. Ee wandu wapo, mwaawuyalaghashwa ni vilongozi venyu, na kuvurugha chia ra mighendo enyu.

ZABURI 119:139

Iriso jekukunda janibwagha, ngiwona wamaiza wapo wisetalagha sharia rako.

ZABURI 119:61

Hata ngera wawiwi wanideghia shaghala, sichaaliwa sharia yako anduangi.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

HOSEA 8:12

Nawiandikie mafundisho ghisetalikagha; ela waawuyaghitala sa kilambo cha kighenyi.

HOSEA 8:1

BWANA waghamba, “Kabenyi tarumbeta! Wamaiza waawuyangia isangenyi japo sa indu! Wandu wapo wajichikanyire ilaghano nibonyere nawo, na kughilegha mafundisho ghapo.

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

MATHAYO 1:6

nao Jese ukamva Mzuri Daudi. Daudi oremvaeghe Solomoni (mae orekoghe muka wa Uria).

ZABURI 119:153

Zighana matiriro ghapo kunikire, angu siiliwie sharia yako anduangi.

MAKATANISHO 10:21

Malagho gha mundu wa hachi ghadawitesia wandu wengi, ela wakelu wafwagha kwa kusowa akili.

EZEKIELI 44:23

Wichafundisha wandu wapo wuchumbano ghwa maza ra wueli na iro riseko ra wueli sena wichawifundisha kutambua maza ra wuchafu na maza ra wueli.

HOSEA 4:14

Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

HOSEA 7:9

Ndewiwuemanya wei uko kusuwiria kwa wandu niko kwawisoka ndighi rawo; waghosia na ndighi, ela ndewiwuemanya.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

ZABURI 18:27

Oho kwadawikira wandu wikuserie, na kuwisera awo wikujosere.

ISAYA 29:12

Na mndungi useichi kushoma ukanekwa icho chuo uchishome uchaghamba “Sidimagha kushoma.”

HOSEA 9:17

Mlungu wapo nimdumikiagha uchawiinja noko, kwa kukaia waleghie kumsikira, nawo wichakaa wikimara-mara aghadi ya iro mbari.