HOSEA 4:3 - Biblia Ilagho Jiboie Kwa Wandu Wose

³ Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

HOSEA 4:3 Referans Kwoze

ZEFANIA 1:3

Nichainja mdamu na nyamandu; nyonyi ra mbeonyi, na samaki. Nichatotesha wawiwi na kula mdamu ndoenyi.

NAHUMU 1:4

Wadaidokia bahari na kuiomera, wadaomera meda yose. Mbuwa ra Bashani ranyaya, na Mghondi ghwa Karmeli ghwaoma. Maua gha Lebanoni ghasia.

AMOSI 5:16

Kwa huwo BWANA, uo Mlungu Uwadie-Ndighi-Rose waghamba huwu: “Kuchakaia na kililo achienyi mbaa, na andu kose chienyi wandu wichakaia wikighamba, Weei ngai, Weei ngai! Wichawiwanga walimi wiche ifonyi; na kuwilipa awo wiko mafundi ghelila wichelila;

EZEKIELI 38:20

ugho msughusiko ghuchasughusa samaki baharinyi, na nyonyi ra mbeonyi, na nyamandu ra mlambenyi, na shimandu riavuagha andoenyi, na wandu wose wiko aighu ndoenyi. Ngelo ya kucha kwapo wandu wose wichasughusika, na mighondi ichang'arishwa andoenyi, na maghamba ghichaghwa, na kula wurigha ghuchaghwa andoenyi.

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

JEREMIA 4:25

Nerezighanireghe ngawona ndekuwadie mndungi, na nyonyi rose ra mbeonyi rameria kuburuka noko.

AMOSI 8:8

Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri.

AMOSI 1:2

Amosi ukaghamba, “BWANA waruruma kufuma Mghondi ghwa Sinai; wadeda kufuma Jerusalemu. Milamba elisha yaoma, na nyasi aighu ya Mghondi ghwa Karmeli rawuya manjano.”

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JOELI 1:18

Ng'ombe raawuyadoka kwa wasi ghosowa nyasi; ng'ondi raawuyaja wasi wokoni.

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

JEREMIA 9:9

Welee, ndeinifwane niwikabe kwa wundu ghwa maza iri? Ndeinifwane nilipie kisasi aighu ya mbari sa ihi?”