HOSEA 4:14 - Biblia Ilagho Jiboie Kwa Wandu Wose

¹⁴ Ela sichaawikaba wai wenyu iji wawuya malaya, hata waka wa wana wenyu iji walaka; kwa kukaia inyo mmbeni mwaawuyaghenda na malaya gha Hekalu na kufunya vizongona chia imweri nawo. Sa iji mfwano ghoghoragha, ‘Wandu wisewadie kumanya wichatota.’

HOSEA 4:14 Referans Kwoze

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

WAEBRANIA 12:8

Mkasighwa wokoni msekanilwaghwa, na wandu wose wadakanilwa wokoni, aho mooka wana wesholwa msevalo nyumbenyi anduangi.

WAEFESO 4:18

Maririkanyo ghawo ghangirwa kira, hata ndewitambukilwagha; watanyiro na irangi ja Mlungu, kwa wundu ghwa wukelu ghuko andenyi kwawo, na kukua kwa ngolo rawo.

1 WAKORINTHO 6:16

Angu huwo ndemmanyire uo ukuwadanishagha na ilaya wawuya mumbi ghumweri nao? Nechi ni sa iji iandikilo, “Waja wawi wichawuya mumbi ghumweri.”

WAROMA 3:11

ndeko ungi utambukilwagha, ndeuko ungi umlolagha Mlungu.

JOHANE 8:43

Kwaki msetambukilwagha ni agho nighoragha? Ni angu msedimagha kusikira ilagho japo anduangi.

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

HOSEA 4:17

Wandu wa Israeli weekuranganya na milimu, wisighenyi wiekeri.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

ISAYA 56:11

Wakaia sa koshi riwadie lwafuo, wandu wisekatwagha jingi. Awo ni walisha wisewadie kumanya kungi, wose waghalukie kula mundu chia yake, kula mundu ukikulolia fwaida rake moni kwa kula chia.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

2 WAZURI 23:7

Ukarinona nyumba ra malaya gha womi rereaghiloghe andenyi ya Hekalu, andu waka werekoghe wikiluka mapazia gha Ashera.

1 WAZURI 15:12

Ukawinga ghaja malaya gha womi na gha waka isangenyi; ukainja milimu yose erewikiloghe ni weke wawae.

WUKUMBUSO 23:17

“Muisraeli ungi wa waka angu wa womi, usekubonye ilaya ja hekalunyi retasa milimu.

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

AMOSI 2:7

Wawadia chongo cha mkiwa aterinyi na kumuima mundu ukorongelo hachi yake. Mundu na ndee wasela na muka umweri, na huwo wajilusha irina japo.

AMOSI 7:17

Kwa wundu ugho BWANA wakuzera oho Amazia, ‘Mkako uchawuya ilaya andenyi ya muzi, wana wako wa womi na wa waka wichabwaghwa wudenyi. Isanga jako jichapimwa kwa kamba na kuwaghilwa wandu wazima. Oho kumoni kuchafwa andenyi ya isanga ja wusezinyi; na loli wandu wa Israeli wichadwalwa wunyika kufuma iji isanga.’”

MITALO 25:3

Kwa huwo Waisraeli wikawada kutasa Baali wa Peori; na Mlungu ukajokwa ni machu aighu ya wandu wa Israeli.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.