HOSEA 4:12 - Biblia Ilagho Jiboie Kwa Wandu Wose

¹² Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 4:12 Referans Kwoze

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

HABAKUKI 2:19

Ni bugha kwa uo mundu uzeragha kilambo cha mudi, “Wuka!” Na igho jisededagha, “Wuka kimusi!” Mlimu ghwadima kukufunukuya ilagho jingi? Ghooshingwa dhahabu na feza, ela ndeghuwadie miruke andenyi yake.

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

MITALO 15:39

Mchakaia mkizighanagha ijo ifindikio na kukumbukagha malaghiro ghose gha BWANA mpate kughibonya; eri msechebonya seji ngolo renyu righeshagha kunughana na maza muriwonagha na meso ghenyu; iro mkundagha kurinugha kwa bea mbaa.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

HOSEA 9:1

Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.

EZEKIELI 21:21

Mzuri wa Babuloni waawuyakaia kimusi mudonyi ghwa chia ra matano, eri ulaghuo. Waawuyasughusa-sughusa mawanu, na kulola njama kwa milimu yake waterafi, na kuzighana idima ja nyamandu yabwaghwa kizongona.

JEREMIA 10:8

Wose wakaia wakelu wisena akili, wifundishwagha ni milimu ya midi!

ZABURI 73:27

Awo wikuleghagha, loli wichatota; na awo wiseko waloli kwako, kuchawisaghisa.

2 MALAGHO GHA NGELO 21:13

Kwanughie mfwano gha wazuri wa Israeli na kuwilongoza wandu wa Juda na Jerusalemu wisowe wuloli seji nyumba ya Ahabu erewilongozereghe wandu wa Israeli wikasowa wuloli. Wokoni kukawibwagha wanyinyu tiki, awo werekoghe wecha kukuchumba.

WALAWI 20:5

nichalwa na uo mundu na nyumba yake yose, chiaimweri na awo wandu wiwadane nao kwa kuleghakaia waloli kwapo hata wikatasa Moleki, nani nichamtanya na wandu wapo.

WALAWI 17:7

Wandu wa Israeli ndewichaafunyira vizongona vawo shighadi ya kambi sena, kwa kubwaghia pepo na kulegha kaia waloli kwa BWANA; ela wichawadia momu ughu kwa kala na kala, vivalwa vawo vose.

ZABURI 106:39

Wikakulusha weni kwa mabonyo ghawo, wikasowa kukaia waloli kwa Mlungu.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

WATANYI 18:5

Wikamzera, “Dakuvoya kumkotie Mlungu ngera dichawona nicha kwa ichi charo chedu.”

2 WAZURI 17:7

Maza iri rerebonyekieghe, kwa kukaia Waisraeli werekoghe wam'bonyera BWANA Mlungu wawo kaung'a; uo orewifunyireghe isanga ja Misri, kufuma wuzumbenyi ghwa Mzuri wa Misri, na kuitasa milungu mizima,

JEREMIA 23:13

Nawonie ilagho jizamie na ndighi, kwa walodi wa Samaria; walodere kwa irina ja Baali, na kuwilaghasha wandu wapo Israeli.

EZEKIELI 20:32

Mwaawuyaghamba wei mwakunde mfwanane na wandu wa mbari zima mtaseghee midi na magho. Agho maghesho muko nagho ndeghichaakaia jingi.

HOSEA 6:10

Nawonie ilagho jizamie nandighi andenyi ya Israeli: Wandu wapo waawuyakulusha weni kwa kutasa milimu.