HOSEA 2:2 - Biblia Ilagho Jiboie Kwa Wandu Wose

² BWANA waghamba, “Wana wapo, mvoyenyi mayo, mumvoye - kwa kukaia si muka wapo kungi, na ini se mumi wake anduangi - upate kughaluka na kughusigha wumalaya ghwake, na wulaki ghwake gholeghakaia mloli;

HOSEA 2:2 Referans Kwoze

ISAYA 50:1

BWANA waghamba, “Barua ewilegha wandu wapo sa etana na muka eko hao? Na ikakaia nimuuzire wuzumbenyi, namuuzire kwani? Olenyi ni kwa wundu ghwa kaung'a renyu niko moreuziroghe wuzumbenyi; ni kwa wundu ghwa makosa ghenyu niko morelegheloghe.

EZEKIELI 23:45

Ela wandu wa hachi wichawitanya awa waka walaki, sena wabwaghi, na uko kutanya koni witanyagha nako walaki na wabwaghi. Kwa kukaia wadalaka na kubwagha.”

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

EZEKIELI 16:25

Kwaaghie andu kotasira kutuonyi kwa kula chia, kukanona kughoka kwako kwa kukufunya kumoni kwa kula mundu uidagha; na huwo kukaghuchuria wumalaya ghwako.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

2 WAKORINTHO 5:16

Kwa huwu kufuma idana, ndedimmanyagha mndungi kwa kunugha seji uwonekagha anduangi; hata ngera deremmanyireghe Kristo kunughana na seji orekoghe ukiwoneka, ndediduagha dikimmanya huwo anduangi.

EZEKIELI 23:43

Niko ngaghamba, Welee, huwu wandu ndawaawuyalaka na uhu mkeku sa ija ngelo werebonyagha wumalaya nao?

EZEKIELI 20:4

“Kuchawitanya wandu awa ee mwana wa mdamu? Basi bonya huwo, kuwibonye witambukilo ni wuchafu ghwa weke ndee.

EZEKIELI 16:20

“Sena kukawada wana wako wa womi na wa waka korenivaieghe, kukawifunya kizongona kwa iyo milimu. Welee, ugho wumalaya ghwako kunibonyere ndeghukate,

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

ISAYA 58:1

BWANA waghamba, “Ghora kwa lwaka lubaa, kusakeleka; wusira lwaka lwako sa tarumbeta, kuwighorie wandu wapo ikosa jawo, na kivalwa cha Israeli kuchighorie kaung'a rawo.

HOSEA 2:1

Kwa huwo kummbange Israeli, “Wandu wa Mlungu” na “Ukundo ni Mlungu.”

HOSEA 4:5

Mwaawuyakuwa kio na dime, na mloli waawuyakuwa chiaimweri nenyo. Kwa huwo nichamtotesha mayo Israeli.

ISAYA 11:12

BWANA uchawusira bendera ikaie alama kwa iro mbari ra wandu, ewonyera kukaia uchatumbanya wandu wa Israeli na wandu wa Juda wisaghisikie, wifume iro mbembe inya ra ndoenyi.

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

MIKA 2:13

Mlungu uchawirughuya chia ewuya; uchawilongoza wifume wubarishonyi. Wicharirughua mbenge ra muzi na kungia kwa sere; mzuri wawo, uo BWANA moni uchawilongoza shighadi.