HOSEA 2:14 - Biblia Ilagho Jiboie Kwa Wandu Wose

¹⁴ “Kwa huwo nichamghenja cha kireti sena, na oho nichadedanya nao kwa lukundo.

HOSEA 2:14 Referans Kwoze

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

JOHANE 6:44

Mndungi ndedimagha kucha kwapo anduangi, ngera userudilo ni uja Aba orenidumieghe, nani nichamrukisha Ituku ja kutua mbai.

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

EZEKIELI 20:10

“Kwa huwo ngawifunya isanga ja Misri na kuwighenja kireti.

JEREMIA 16:14

BWANA waghamba, “Zighanenyi matuku ghichacha wandu wisechaaghora wei ‘Sa iji BWANA uko moyo, uo orewifunyireghe wandu wa Israeli isanga ja Misri,’

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

WATANYI 19:3

Niko mumi wake ukawuka kwendamlola, upate kumngola-ngola eri uwuye mzinyi. Orekoghe chiaimweri na mdumiki wake na weke punda wawi; ukacha hata nyumbenyi kwa ndee. Hata iji uo mwai ndee wammbona ukaboilwa na ndighi, ukacha kummara.

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

AYUBU 36:16

Na oho wori orekufunyireghe wasinyi, ukakuwika andu kwa wulindiri; ukakuwikia vindo vinorie mezenyi kwako.

EZEKIELI 20:33

“Sa iji ini Bwana MLUNGU nikaiagha moyo, naghamba, kwa loli nicham'bonyera nguma kwa kudima kwapo, na kwa ndighi, na kwa machu ghapo.

MIKA 4:10

Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

JEREMIA 45:4

“Ola naawuyachikanya agho nereghiaghieghe, na kukua ivo nereviwaeghe isangenyi kose.

MIKA 1:7

Milimu yake ya zoghori ichabarwa-barwa; kula kilambo cherenekeloghe malaya gha hekalunyi chichakorwa, na fwana raro rose richawuya kitungu cha tungasi. Samaria yakuzaisire agho malagho, kwa wundu ghwa iyo mizango yake mingi. Idana wamaiza wake wichaiduka, wiendebonya wumalaya ghwa hekalunyi andu kuzima.”