HOSEA 14:9 - Biblia Ilagho Jiboie Kwa Wandu Wose

⁹ Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

HOSEA 14:9 Referans Kwoze

MAKATANISHO 10:29

BWANA wadamlindia mundu wa hachi, ela wadawitotesha awo wibonyagha mawiwi.

ZABURI 107:43

Uo ose uko na hikima nderirikanye agho malagho, wandu ndewilutale lukundo lukatie lwa BWANA.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

ZABURI 119:128

Kwa huwo nadanugha mafundisho ghako ghose; nadazamilwa ni kula chia ya tee.

ZABURI 119:75

Namanya ee BWANA kukaia kutanya kwako ni kwa hachi, na angu kwaninekie ikabo kwa hachi.

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

WAROMA 7:12

Kwa huwu, Sharia cheni yaelie, na ghuja momu ghwaelie; nagho ni ghwa hachi sena ghwaboie.

JOHANE 15:24

Ngera serechieghe na kuribonya iro kazi mndungi jingi useribonyere, kumangu ndewiwadie kaung'a; ela idana wawonie agha nighibonyere, wikazamilwa ni ini, hata na Aba wori.

JOHANE 9:39

Nao Jesu ukaghamba, “Ini nerechieghe wurumwengunyi kutanya, awa wisewonagha wipate kuwona, na awa wiwonagha wiwuye vitungure.”

LUKA 7:23

Warasimilwa uo mundu usekuwagha kwapo.”

LUKA 2:34

Nao Simeoni ukawirasimia ukamzera Maria, mae mwana, “Ola mwana uhu wawikwa kwa wundu ghwa kughwa na kuwuka kwa wengi andenyi ya Israeli, na kwa alama etangalwa ni wandu;

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

EZEKIELI 18:25

“Elaima sena mwaawuyaghamba ‘BWANA ndewuebonya hachi kungi.’ Sikirenyi idana inyo wandu wa Israeli, Loli siwuebonya hachi? Welee, si inyo mmbeni msewuebonya hachi anguwada?

ISAYA 1:28

Ela Mlungu uchawitotesha waleghi na wakaung'a; uchawisaghisa wose wimsighagha BWANA.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ZABURI 84:7

Wachuria kupata ndighi wikighenda; hata kula umu uwoneke imbiri ya Mlungu Sioni.

ZABURI 84:5

Warasimilwa wandu wipatagha ndighi kufuma kwako, wiko na bea eghenda Sioni.

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

MABONYO GHA WADUMI 13:10

ukaghamba, “Mwana wa Mmbiwi oho! M'maiza wa hachi yose, kuchue mikalo na mawiwi ghose; ndekulekagha kurinona chia ra Bwana righorokie?

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

MAKATANISHO 16:21

Mundu uko na ngolo ya hikima, wadawangwa mundu utambukilo; madedo ghiboie ghadaruda wandu.

ISAYA 17:8

Ndewichaatala madhabahu wereribonyereghe, hata ndewichaakaia na irumirio kwa kazi ra mikonu yawo, hata ndewichaarizighana kazi wereribonyereghe, iyo milimu ya Ashera, mlungu ghwa waka, na madhabahu refukira marumba.

JEREMIA 29:12

Niko aho mchaniwanga, mchacha na kunilomba; nani nichasikira.

EZEKIELI 11:18

Na ngelo wichaawuya wichainja nambai vilambo vose vizamie na wuchafu ghose.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.