HOSEA 14:8 - Biblia Ilagho Jiboie Kwa Wandu Wose

⁸ Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

HOSEA 14:8 Referans Kwoze

AYUBU 34:32

Kwamlombie Mlungu ukuwonyere makosa ghako, kukarumiria kughisigha?

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

LUKA 15:20

Nao ukawuka ukazoya kuwuya kwa ndee. Hata iji orekoghe kula koni, ndee ukammbona ukangilwa ni wughoma, ukamkimbiria na kumshishidia; ukamsusugha.

ISAYA 55:13

Wulalo ghwa minjwa kuchabuka msumbesu, na wulalo ghwa mndandangoma kuchabuka mhadasi. Ilagho iji jichakaia lukumbuso kwapo ini BWANA, na alama ya kala na kala isechaainjika jingi.”

ISAYA 41:19

Nichabonya misida na mgholeka, na mhadasi, na mzeituni ibuke kireti; kuchakaia na msumbesu, na m'beroshi, na m'bunduki kireti.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

WAFILIPI 2:13

angu Mlungu wawuyabonya kazi andenyi konyu, ukimneka nia ekunda na kubonya iro rawuyam'boia uo.

WAEFESO 5:9

(angu itunda ja mwengere jawoneka andenyi ya icho chose chiko chiboie, na hachi, na loli);

JOHANE 1:16

Kwa kuchua kwake, dapatire mvono isi diwose ghusesiagha jingi.

ISAYA 60:13

“Kuboa kose kwa mbau ra Lebanoni kucharedwa kwako; misumbesu, mitidhari, na mibunduki, kupate kuipamba Hekalu yapo ya wueli, nani nichakughokesha andu kowikiria maghu ghapo.

AYUBU 33:27

Uchacha imbiri ya wandu ukighamba: ‘Nabonyere kaung'a, ngailaghasha hachi; ela Mlungu ukanifuya wughoma.

WAFILIPI 4:13

Nadima kubonya maza rose kwa uo unidimishagha.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

EZEKIELI 17:23

Nichaghuwa aighu ya mghondi mlacha ghwa Israeli ghupate kubonya mbashu na kuva matunda. Ghuchawuya mudi ghwa sida ghwa ishima, na nyamandu ra mbari rose richakaia aisi ya kiju chake, na nyonyi ra mbeonyi wori ra kula kichuku richabonya vijungu aisi ya mbashu rake.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.