HOSEA 14:3 - Biblia Ilagho Jiboie Kwa Wandu Wose

³ Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 14:3 Referans Kwoze

ZABURI 68:5

Mlungu, uo ukaiagha andenyi ya Hekalu yake, nuo ndee wa wana wakiwa, na mlindiri wa waka wifuilo ni womi.

ZABURI 10:14

Ela oho kwawuyawona ee Mlungu, kwawuyazighana wasi na kusumbuka kwawo; koko tayari kutesia. Mkiwa wadakuwika kwako, na oho kwadawitesia wana wakiwa.

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

HOSEA 5:13

“Nao iji Israeli wawona seji uko mkongo, na Juda kuwona seji washoghonaka, Israeli ukaghenda cha Ashuru kulomba wutesia kwa m'baa wa isanga, ela ndereboisireghe hata kuhoa kushoghonoka kwake.

HOSEA 2:17

Sichaamsigha ughore marina gha Baali sena, na iyo milungu ndeichaaghorwa momunyi kwake sena anduangi.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 30:16

mkaghamba, “Ndedikunde! Isi dichakimbia kwa farasi redu riwadie iseghe,” na huwo mchakimbia kwa farasi riwadie iseghe, ela awo wimmbingagha wichamnugha kwa shwa-shwa.

ZABURI 33:17

Kusuwiria wusimi ghuredwagha ni farasi ya wuda ni duu; ikeduaka na ndighi rake nyingi, ndeidimagha kukira.

JOHANE 14:18

“Sichaamsigha wakiwa anduangi, ela nichacha konyu.

HOSEA 12:1

“Kula ilagho jawuyabonywa ni wandu wa Israeli kufuma luma lwa nakesho hata nakenyi ni ja duu jenona. Wachuria kukaia wa mikalo na mabonyo ghetumia ndighi, wabonya mapatano na kubonya biashara na Misri.”

HOSEA 8:9

Wandu wa Israeli waghendie cha Ashuru, sa punda wa isakenyi umaraa-mara uekeri, wakuwikie wandu wa mbari zima welipwa wipate kuwilindia.

HOSEA 8:6

Ni wufundi ghwa Muisraeli umu ubonyere ugho mlimu ghuseko mlungu putu. Njau ya dhahabu yawuyataswa Samaria ichabarwa-barwa.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

EZEKIELI 37:23

Ndewichaakulusha na milimu yawo hata kukunona na vilambo vizamie sena, angu makosa ghangi ghawo; ela nichawikira na uko kuwuya nyuma kwawo kose, uko werenibonyereghe nako kaung'a. Nichawielesha wikaie wandu wapo, nani nikaie Mlungu wawo.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

ISAYA 36:8

Choonyi idana m'bonye mapatano na bwana wapo mzuri wa Waashuru, nani nichamneka farasi elfu iwi iji mdimagha kupata wandu werijoka.

ISAYA 31:3

Wamisri ni wadamu tu si Mlungu kungi; farasi rawo ni nyamandu riko na mimbi, si roho ringi. BWANA ukaghorua mkonu ghwake, mbari ya wandu iwadie ndighi ichakuwa, na iyo mbari yaawuyateselwa ichaghwa; na huwo wose wichatota.

ISAYA 30:2

Wandu wifumagha kughenda cha Misri wiselolie njama kwapo. Wakusaghika na wulindiri ghwa mzuri, na kubonya Misri ikaie kiju chawo.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 2:20

Ituku jija, wandu wicharikumbia fuko na maososi iro fwana rawo ra feza na ra dhahabu, wereribonyereghe wiritase;

ISAYA 1:29

Mchafwa waya kwa wundu ghwa kutasa mialoni, mchafwa waya kwa kuwika mbuwa renyu wakfu kwa wundu ghwa milimu.

ZABURI 146:9

BWANA wadawilindia waghenyi wiko isangenyi kodu; wadawitesia waka wakiwa na wana wakiwa; ela wadainona mipango ya wandu wawiwi.

ZABURI 146:3

Kusakekusaghika kwa wabaa, uo mdamu usedimagha kukutesia.

2 MALAGHO GHA NGELO 16:7

Ngelo iyo, mlodi oremchieghe Asa mzuri wa Juda ukamzera, “Kwa kukaia korekusaghikieghe na mzuri wa Siria wulalo ghokusaghika na BWANA Mlungu wako, ijeshi ja mzuri wa Siria jakufufunuka.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

JEREMIA 49:11

Sigha wana wako wisewadie weke ndee, nichawiwika wikaie moyo; na waka wakiwa wako wisuwirie kwapo.”

HOSEA 4:12

Waawuyalomba kipande cha mudi chiwineke mafunuo! Mzata ghwawighoria malagho wikunde kughimanya! Wanisighie ini Mlungu wawo, wikanugha milungu mizima seji muka usighagha mumi na kuwuya malaya.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

JONA 2:10

Niko BWANA ukaghora na samaki, nayo ikamdaika Jona mbai na mbai ya bahari.