HOSEA 13:11 - Biblia Ilagho Jiboie Kwa Wandu Wose

¹¹ Namnekie wazuri kwa machu ghapo, na kwa lubio ngawiinja noko.

HOSEA 13:11 Referans Kwoze

1 SAMUELI 10:19

Ela idime iji mwanilegha ini Mlungu onyu uo umkiragha kufuma kwa ndengwa na wasi ghonyu m'baa; nenyo mwanilomba nimneke mzuri om'bonyera nguma. Ni nicha. Idana kwanyikenyi mmbeni imbiri kwapo kunughana na vichuku venyu na nyumba renyu.’”

HOSEA 10:3

Kafwani koni awandu wichakaia wikighamba, “Ndediwadie mzuri, kwa kukaia ndederemuobueghe BWANA; ela kukakoni uo mzuri wadibonyeragha kii?”

MAKATANISHO 28:2

Mbari ikabonya kaung'a, yadakaia na wabonyi nguma wengi; ela ikakaia na vilongozi vimanyagha na kutambukilwa, ichadua imange kwa ngelo ndacha.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 12:13

“Idana wonenyi mzuri onyu uo mumsaghue, uo moremlombieghe; nenyo zighanenyi BWANA wameria kummbika ukaie mzuri aighu yenyu.

HOSEA 10:7

Mzuri wa Samaria uchatota, sa kipande cha mudi chadwalwa ni machi.

1 SAMUELI 10:17

Nao Samueli ukawiwanga wandu, ukawikwanya imbiri ya BWANA aja Mispa;

1 SAMUELI 15:26

Samueli ukamzera Sauli, “Ndediwuyanyagha kungi, angu kwajilegha ilagho ja BWANA, nao moni wakulegha kusekaie mzuri aighu ya Israeli.”

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

HOSEA 8:4

“Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

1 SAMUELI 12:1

Niko Samueli ukawizera wandu wose wa Israeli, “Olenyi namsikira kwa maza renyu rose munilombie nibonye; nani namerie kummbika mzuri om'bonyera nguma.