HOSEA 13:10 - Biblia Ilagho Jiboie Kwa Wandu Wose

¹⁰ Morekoghe mkilomba mzuri na vilongozi. Da widima wada kuikira iyo mbari?

HOSEA 13:10 Referans Kwoze

HOSEA 8:4

“Wandu wapo weekusaghuya wazuri wawo weni; wawikie wabaa nisewirumirie. Wakutoteshere weni kwa kuwusa feza na dhahabu rawo wikabonya milimu.

HOSEA 10:3

Kafwani koni awandu wichakaia wikighamba, “Ndediwadie mzuri, kwa kukaia ndederemuobueghe BWANA; ela kukakoni uo mzuri wadibonyeragha kii?”

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

JEREMIA 8:19

Sikirenyi kililo cha wandu wapo mzinyi, kufuma wulacha ghwaro ii chia, hata wushapa ghwaro ii chia “Welee, BWANA waaisigha Jerusalemu putu? Huwo mzuri wa Jerusalemu ndeuko?” BWANA watumbulia, “Kwaki wanivaviragha ngolo na iro fwana rawo rewachwa; na iyo milimu yawo ya kighenyi?”

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

ISAYA 43:15

Ini ne BWANA, uo Mweli onyu Muumbi wa Israeli, Mzuri onyu.”

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

ZABURI 89:18

BWANA nuo uwisaghue mlindiri wawo; Mlungu mweli wa Israeli nuo uwinekie mzuri wawo.

ZABURI 74:12

Ela oho Mlungu, ko Mzuri wapo kufuma kala, kuredagha kukia ndoenyi.

ZABURI 44:4

Oho ko Mzuri wapo na Mlungu wapo, uo urediagha kivalwa cha Jakobo wusimi.

ZABURI 10:16

BWANA ni mzuri kwa kala na kala, watasi milimu wichatota isangenyi kwake.

2 WAZURI 17:4

Ela mzuri wa Ashuru ukawona kukaia Hoshea orekoghe na sheshe; kwa kukaia orekoghe waduma wandu kwa So mzuri wa Misri, hata nderelipieghe kodi kwa mzuri wa Ashuru seji orekoghe ukibonya mwaka-mwaka. Kwa huwo mzuri wa Ashuru ukammbwada na kumngira kifungonyi.

1 WAZURI 12:20

Hata iji wandu wa Israeli wose wasikira kukaia Jeroboamu wamerie kuwuya, wikamdumia momu uche ikwanyikonyi; nawo wikam'bonya ukaie mzuri aighu ya Israeli. Ndekuwadie mndungi wa Israeli orenughieghe nyumba ya Daudi ela mbari ya Juda.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

HOSEA 7:7

“Wabwaghie wabaa wawo wose kwa machu ghawo gha modo. Wazuri wawo wabwaghilo umu umu, hata ndekuwadie ungi wawo wawuyanilomba wutesia.”

1 SAMUELI 8:7

BWANA ukamtumbulia Samueli, “Wisikire awa wandu, kubonye sa iji koni wakuzera; kwa kukaia ndewikuleghie oho, ela waanilegha ini nisekaie mzuri wawo.

KILILO CHA JEREMIA 4:20

Wammbwadie mzuri oresaghuloghe ni BWANA, orekoghe asili ya wubanana ghodu; uo deremsuwirieghe uchadilindia disengirilo.