HOSEA 12:2 - Biblia Ilagho Jiboie Kwa Wandu Wose

² BWANA oko na mashitakio aighu ya wandu wa Juda, nao uchawikaba wandu wa Israeli kunughana na chia rawo, na kuwilipa kara kara na mabonyo ghawo.

HOSEA 12:2 Referans Kwoze

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

WAGALATIA 6:7

Msekalikie, Mlungu ndesekwagha; angu icho chose mundu uchiwagha, nicho cheni uchaachikuwida wori.

WAROMA 2:6

Angu Mlungu uchamneka kula mundu karakara na kazi rake.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

HOSEA 4:9

Mchapatwa ni ikabo karakara na wandu. Nichamkaba; nani nicham'bonya mkabo kwa wundu ghwa ugho wuwiwi mwawuyaghubonya.

HOSEA 2:13

Nichamneka adhabu kwa wundu ghobonya matuku gha ndima kwa weke Baali, iji orekoghe ukiwifukiria marumba, na kukupamba moni kwa pete na vipini, na kuwinugha wakundwa wake; ukaniliwa ini.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

ISAYA 59:18

Uchawikaba wawiwi kunughana na mabonyo ghawo, na kuluya lugho kwa wamaiza wake. Uchaluya lugho hata kwa awo wiko masanga gha pwani.

ISAYA 24:21

Ngelo iyo, BWANA uchakaba majeshi gha roho mbiwi ghiko mbeonyi, na wazuri wa ndoenyi.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

HOSEA 7:2

Ela ndewiwuemanya wei nawuyarikumbuka kazi rawo mbiwi rose. Mabonyo ghawo ghawimara chia rose na kuwikwa imbiri kwapo.”

HOSEA 9:15

BWANA waghamba, “Wuwiwi ghwawo ghose ghoozoia Gilgali; aho niko werezoeghe kunizamia. Nichawifunya isangenyi japo, kwa wundu ghwa wuwiwi ghwa mabonyo ghawo. Sichaawikunda sena, kwa kukaia wabaa wawo wanileghie.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

2 WAZURI 17:4

Ela mzuri wa Ashuru ukawona kukaia Hoshea orekoghe na sheshe; kwa kukaia orekoghe waduma wandu kwa So mzuri wa Misri, hata nderelipieghe kodi kwa mzuri wa Ashuru seji orekoghe ukibonya mwaka-mwaka. Kwa huwo mzuri wa Ashuru ukammbwada na kumngira kifungonyi.

AYUBU 15:2

“Kwani mundu uko na hikima wadima kudeda malagho gha duu, na kukuchura malagho maduu sa mbeo enona ya mashariki?

ZABURI 78:36

Ela weremkalieghe kwa memu yawo, wikatumia chumi rawo kumghoria tee.

MCHILI 5:15

Mdamu odecha wurumwengunyi uko duu na ukakafuma wurumwengunyi uchafuma uko duu wokoni. Ndedwagha kilambo chingi cha ivo uvibonyere kazi.

ISAYA 30:6

Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

HOSEA 8:9

Wandu wa Israeli waghendie cha Ashuru, sa punda wa isakenyi umaraa-mara uekeri, wakuwikie wandu wa mbari zima welipwa wipate kuwilindia.

HOSEA 8:10

Ela idana nichawikwanya chiaimweri nipate kuwikaba. Wichawoka kudaruma kwa kukorongwa ni mzuri wa Ashuru.