HOSEA 12:13 - Biblia Ilagho Jiboie Kwa Wandu Wose

¹³ BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

HOSEA 12:13 Referans Kwoze

ZABURI 77:20

Oho korewighenjereghe wandu wako sa ng'ondi kukiwitumia Musa na Haruni.

MIKA 6:4

Ini namredie kufuma isanga ja Misri; namkombue kufuma wuzumbenyi. Namdumie Musa, Haruni, na Miriamu umlongoze.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

1 SAMUELI 12:8

Ngelo Jakobo oreghendieghe Misri chiaimweri na wandu wake, Wamisri werewikorongieghe; na weke ndeyo wikamkemia BWANA, nao ukawineka Musa na Haruni, wikawifunya weke ndeyo kufuma Misri na kuwiwika iji isanga mwawuyajikaia.

KUFUMA 14:19

Niko malaika wa Mlungu, uo orekoghe ukilongoza majeshi gha Israeli ukaghaluka na kuwuya na nyuma. Ija nguro ya iwingu wokoni ikaghaluka na kukaia na nyuma,

MITALO 12:8

Nadaghora nao wushu kwa wushu, worinyi, si kwa kiviso anduangi; nao wawonagha fwana ya BWANA. Kwaki sena msereobuagha kughora kiwiwi aighu ya mdumiki wapo Musa?”

HOSEA 2:15

Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

KUZOYA 28:2

Wuka kughende Padan-aramu, nyumbenyi kwa wawayo Bethueli, kupate muka kufuma kwa umu wa wai wa awuyo Labani.

KUZOYA 29:20

Jakobo ukamdumikia Labani miaka mfungade kwa wundu ghwa Raheli, ela kwake iyo miaka ikawoneka sa matuku matinieri, angu oremkundieghe Raheli na ndighi.

WUKUMBUSO 26:5

Na oho kuchaghora malagho agha imbiri ya BWANA Mlungu wako, ‘Aba orekoghe Muarami omara-mara, nao ukasea Misri kukaia mghenyi omara-mara; orekwanyeghe na wandu wake watinieri, ela ukawuya mbari mbaa aho, iko na wandu wengi, wiko na kudima.