HOSEA 11:4 - Biblia Ilagho Jiboie Kwa Wandu Wose

⁴ Nerewirudieghe cha kwapo kwa wughoma, ngawimaziria kwa lukundo; ngakaia kwawo sa mundu ufunguagha ghongolo kufuma singonyi kwawo, ngaghomeka nipate kuwijisha.

HOSEA 11:4 Referans Kwoze

JOHANE 12:32

Nani ngameria kujoswa aighu ya ndoenyi, nichawiruda wandu wose cha kwapo.”

WALAWI 26:13

Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.

2 WAKORINTHO 5:14

Angu lukundo lwa Kristo lwadibonyera nguma, kwa kukaia damerie kuwona huwu, ikakaia mundu umweri orefueghe kwa wundu ghwa wose, huwo wose wedeefwa.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

ZABURI 105:40

Wikalomba, nao ukareda ngwale; ukawineka vindo kufuma mlungunyi kwa wungi.

2 SAMUELI 7:14

Ini nichakaia ndee, nao uchakaia mwana wapo. Ukabonya makosa, nichamkaba kwa kutumia wandu, sa iji koni ndee mwana ukabagha mwana wake.

KUFUMA 16:32

Musa ukaghamba, “Bwana walaghirie angu diwike pishi imweri ya mana kwa wundu ghwa vivalwa vichagha, wipate kuwona ivo vindo oremnekieghe kireti, iji oremfunyireghe isanga ja Misri.”

WUKUMBUSO 32:12

BWANA uekeri oremghenjereghe, kuseko kuteselwa ni mlungu ghungi ghwa kighenyi.

WUKUMBUSO 32:14

Ng'ombe na mburi rawo rerefunyireghe mariwa kwa wungi; werekoghe na ng'ondi riboie, mburi na ng'ombe, mufu ghwa ngano ghudendere, na divei ndicha.