HOSEA 11:3 - Biblia Ilagho Jiboie Kwa Wandu Wose

³ Elaima sena ni ini moni nimfundishire Israeli kughenda, ngawidwa wandu wapo mikonunyi kwapo; ela ndewerenitalieghe kukaia ni ini niwilindirie.

HOSEA 11:3 Referans Kwoze

JEREMIA 30:17

Nichamuagha sena, na kuboisa vonda venyu; angu wimtalie wei moolegha, wikighamba, ‘Ni Sioni iyo mndungi useitalagha.’”

WUKUMBUSO 1:31

na kireti wokoni. Morewonieghe BWANA ukimduka seji mundu udukagha mwana wake andu kose moreidirieghe hata mkavika aha.’

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

HOSEA 7:15

Hata ngera ni ini niwijosere na kuwingira ndighi, ela waawuyaghesha kiwiwi aighu yapo.

MABONYO GHA WADUMI 13:18

na kwa miaka mirongo ina ukarumaghianya nawo kireti.

HOSEA 14:4

BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

HOSEA 7:1

“Ingelo nawuyakunda kuwiboisa wandu wapo Israeli, niko kaung'a rawo rifunukukagha na mabonyo ghawo kuwoneka. Waawuyakaliana weni na weni; waawuyabara nyumba na kuiwa, na kusoka wandu vilambo chienyi.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

ISAYA 46:3

“Nisikirenyi ini inyo kivalwa cha Jakobo, inyo mmbose masighariko gha wandu wa Israeli; Ni ini neremdwaeghe na kumlindia kufuma kuvalwa konyu.

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

ZABURI 107:20

Ukawiboisa kwa ilagho jake; ukawikira wisetote.

WUKUMBUSO 33:27

Mlungu wakaie mlindiri wako ngelo rose; mikonu yake ya kala na kala niyo yawuyakumaziria Orewisimieghe wamaiza wenyu imbiri yenyu; ukamzera muwitoteshe wose.