HOSEA 11:11 - Biblia Ilagho Jiboie Kwa Wandu Wose

¹¹ Wichacha shwa-shwa sa nyonyi kufuma Misri, wichacha sa mbughi kufuma Ashuru, nani nichawireda mizinyi kwawo, ini BWANA naghamba.”

HOSEA 11:11 Referans Kwoze

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 60:8

Ni vilamboki ivi vighendagha seji ni marundu, karakara na mbughi riwuyagha vijunginyi kwawo?

ZEKARIA 10:10

Nichawireda kufuma Misri na Ashuru, na kuwivikisha mzinyi isangenyi kwawo koni. Nichawikaisha Gileadi na Lebanoni, na isanga jose jichachulwa ni wandu.

HOSEA 7:11

Israeli ooka sa mbughi isena akili; wandu wake wiammbanga Misri uchewitesia, sena ii chia wiakimbiria cha Ashuru.

OBADIA 1:17

“Ela kuchakaia na wandu wifufunukagha aighu ya Mghondi ghwa Sioni, na aho kuchakaia andu kwa wueli. Wandu wa Jakobo wichawusa isanga jiko mali yawo cheni.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

EZEKIELI 37:21

kuwizere, kukaia ini Bwana MLUNGU nichawireda wandu wa Israeli kufuma kwa iro mbari ra wandu andu werekoghe wadwalwa wunyika. Nichawitumbanya kufuma andu kose, na kuwireda andenyi ya isanga jawo jeni.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

EZEKIELI 34:27

Na midi ya mbuwenyi ichava matunda gharo, na mavalo gha ndoenyi ghichachurikia; richakaia banana isangenyi, naro richamanya kukaia ini ne BWANA, ingelo nichaiinja ghongolo ifume singonyi kwawo, na kurikira kufuma mikonunyi kwa awo wereribonyereghe wazumba.

EZEKIELI 34:28

Nderichaakaia madiwo sena gha iro mbari ra wandu, hata nyamandu ra isangenyi nderichaarija sena; richakaia banana na mndungi ndechaariturusa sena anduangi.

ZEKARIA 8:7

Nichawivuvua wandu wapo kufuma kwa agho masanga weredwaloghe,

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.