HOSEA 10:12 - Biblia Ilagho Jiboie Kwa Wandu Wose

¹² Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

HOSEA 10:12 Referans Kwoze

JAKOBO 3:18

Na mavalo gha hachi, ni mbeu iwalwagha andenyi ya sere ni awo wibonyagha sere.

ISAYA 45:8

Reda mishushure kufuma koighu ee mlungunyi, mawingunyi ndekurede vua ya hachi; ndoenyi ndekutambaruke, kukia kupate kuwoneka, na hachi wori ipate kuwoneka; ini BWANA nerevibonyereghe.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

MCHILI 11:6

Waa mbeu rako nakesho, na luma lwa kenyi wori. Ndekumanyagha ni riao rikaiagha nicha, ngera ni iri angu ni rija.

ZABURI 105:4

Ghendenyi kwa BWANA umtesie; lolenyi kukanya nao tulituli.

LUKA 13:24

Ukawizera, “Fungenyi ndighi kungia kwa mnyango msuse, angu namghoria, wengi wichakunda kungia, ela ndewichaadima anduangi.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.

AMOSI 5:6

Mghendienyi BWANA mpate kukaia moyo, usechemseria sa modo andenyi ya wandu wa Israeli. Modo ghuchawikora wandu wa Betheli, hata usepatike mndungi oghurimisha.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

AMOSI 5:4

BWANA Mlungu wawizera wandu wa Israeli huwu: “Nilolenyi mpate kukaia moyo.

HOSEA 12:6

Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.

AMOSI 5:8

BWANA wabonyere nyerinyeri, Piadisi na Orioni, na kughalusa kira chiwuye mwengere, na mwengere ghuwuye kira. Uwangagha machi gha baharinyi, na kughidia andoenyi, irina jake ni BWANA.

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

MABONYO GHA WADUMI 2:18

Ee, hata wadumiki wapo wa womi na waka, nichawidiria Roho wapo matuku ghaja; nawo wichafunya wulodi.

EZEKIELI 34:26

“Nani nicharirasimia aighu ya mghondi ghwapo, na kurinyeshera vua kwa kimu charo; kuchakaia na mami gha marasimio.

ISAYA 32:20

Mwarasimilwa inyo mchaawa vindo mbai na mbai ya meda ya machi, na kulisha mfugho na weke punda kwa wuhuru.

ISAYA 30:23

Mkawa mbeu renyu ndoenyi, BWANA uchamredia vua, nenyu mchakuwida viro kwa wungi. Ngelo iyo mfugho renyu richakatwa ni nyasi.

JEREMIA 50:4

BWANA waghamba, “Matuku agho na ngelo iyo, wandu wa Israeli na wandu wa Juda, wichacha chiaimweri wikilila; nawo wichamlola BWANA Mlungu wawo.

ISAYA 5:6

Nichaisigha inoneke putu, mizabibu ndeichaaboiswa hata kulimilwa; nayo ichabukwa ni isaka na minjwa. Nichalaghira mawingu ghisenyeshe vua ingi aighu yake sena.”

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

ZABURI 72:6

Kumneke kukaia sa vua inyagha anyasinyi ridumbulo, na sa mshushure ghuinyosheragha ndoe.

2 WAKORINTHO 9:10

Na Mlungu uo ufunyagha mbeu rewa kwa mlimi, na vindo veja, uchamneka na kurichuria mbeu renyu, mpate kukuwida kwa wungi kufumanya na hachi yenyu.

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.