HAGAI 1:9 - Biblia Ilagho Jiboie Kwa Wandu Wose

⁹ “Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.

HAGAI 1:9 Referans Kwoze

HAGAI 1:4

“Wele wandu wapo, kwaki mlalagha andenyi ya nyumba riboie ingelo Hekalu yapo iduagha inonekie?

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

ISAYA 40:7

Nyasi radanyaya na mboi radapotoka; ingelo BWANA uweteshagha mbeo. Loli wandu wose ni karakara na nyasi.

WUFUNUO 2:4

Ela neko na ilagho na kumoni, kukaia kwamerie kulusigha luja lukundo korekoghe nalo imbiri.

AYUBU 10:2

Nichamzera Mlungu: Kusakenitanya kukaia mkosi; nighorie nabonyere kaung'aki?

2 WAZURI 19:7

Ola nichamngiria roho esikira malagho gha ighu-ighu, hata ghim'bonye ukimbie na kuwuya cha isangenyi jake; nao uchabwaghwa kwa lufu ahoeni isangenyi jake.’”

2 SAMUELI 22:16

Niko meda ya machi gha bahari ikawoneka, na misingi ya wurumwengu ikawoneka worinyi, kwa kukemelwa ni BWANA, na kuja kukumba miruke kwa mbua yake. Ukiwikemia wamaiza wake.

2 SAMUELI 21:1

Matuku gha Daudi, korekoghe na njala inughane kwa miaka idadu; Daudi ukamlomba BWANA aighu ya ilagho ijo. BWANA ukaghamba, “Koko na wuwiwi ghodia bagha kwa Sauli na kivalwa chake; angu werewibwaghieghe Wagibeoni.”

MAKATANISHO 27:20

Andu kwa Wafu ndekukatwagha jingi, na wokoni bea ya mdamu ndeikatwagha jingi.

MCHILI 1:8

Maza rose radareda kusilwa ni ndighi, hata nderighorekagha. Iriso jikeduawona ndejikatwagha, na kudu kukeduasikira, ndekuchuagha.

EZEKIELI 21:31

Nichakaia na lubio aighu yako nani nichakukaba kwa machu ghapo ghiko sa modo; nichakungira mikonunyi kwa wandu wibwaghagha kwa lung'eto, wiichi kutotesha.

WALAWI 19:25

Ela mwaka ghwa kasanu, kwadima kuja matunda gharo. Mkabonya huwo, midi yenyu ichava matunda kwa wungi; ini ne BWANA Mlungu wako.

WUKUMBUSO 28:38

Kuchawa mbeu nyingi mbuwenyi, ela kuchakuwida viro vitinieri; kwa kukaia vichajighwa ni zighe.

MAKATANISHO 11:24

Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.

ISAYA 5:10

Kwa kukaia hekta ikumi ra mbuwa ya mizabibu, ichava lita wunyanya ra divei; na lita ighana na mirongo wunyanya ra mbeu, richava lita ikumi na wunyanya ra viro.”

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”