FILEMONI 1:11 - Biblia Ilagho Jiboie Kwa Wandu Wose

¹¹ (Uo imbiri orekoghe usene fwaida ingi kwako, ela idana oko na fwaida kwako na kwapo wori).

FILEMONI 1:11 Referans Kwoze

2 TIMOTHEO 4:11

Luka uekeri nuo dikwanye. Mchanye na Marko, angu wanifwana nandighi kwa wudumiki.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

WAROMA 3:12

Wose waghalukie na mbai, nawo wose chiaimweri wikabonya makosa; ndeko ungi wawuyabonya nicha, hata umweri.

LUKA 17:10

Na inyo wokoni, kasikira mwabonya ghose mlaghirilo, ghambenyi, ‘Deko wadumiki disewadie fwaida isi, daabonya agho gheni ghidifwanagha kughibonya.’”

LUKA 15:24

Angu uhu mwanwapo orekoghe ufue, nao hoyu oko moyo; orekoghe ulagharie, nao hoyu wawoneka.’ Wikazoya kuja na kubonya maseko.

MATHAYO 25:30

Na idana uhu mdumiki usene fwaida, mkumbenyi kwa kira chiko shighadi. Aho kuchakaia na kulila na kuja maghegho.’

FILEMONI 1:10

nabonya ilombi kwako kwa wundu ghwa mwanwapo Onesimo, uo nimvae kiroho niko kifungonyi.

FILEMONI 1:12

Naawuyammbunja kwako, nao moni ni ngolo yapo cheni.