EZRA 3:2 - Biblia Ilagho Jiboie Kwa Wandu Wose

² Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

EZRA 3:2 Referans Kwoze

LUKA 3:27

uo orekoghe mwana wa Johanani, mwana wa Resa, mwana wa Zerubabeli, mwana wa Shealtieli, mwana wa Neri,

HAGAI 1:1

Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

1 MALAGHO GHA NGELO 3:17

Kivalwa cha Jehoiakini uo oredwaloghe wunyika ni: Shealtieli,

ZEKARIA 6:11

Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

HAGAI 2:23

Ituku ijo ee Zerubabeli mwana wa Shealtieli, mdumiki wapo, nichakubonya oho kukaie mzuri kwa nguma yapo, kwa kukaia ni oho nikusaghue.” BWANA wa majeshi waghamba.

HAGAI 2:21

“Mzere Zerubabeli, m'baa wa Juda kukaia nalighisa kusughusa mlungunyi na ndoenyi.

HAGAI 1:14

Nao BWANA ukawinyavura ngolo wandu wose wipate kubonya kazi ya Hekalu: Zerubabeli na Joshua na masighariko gha wandu wose wiwurie kufuma wubarishonyi. Wikawoka kazi eagha Hekalu ya BWANA Uwadie-Ndighi-Rose uo Mlungu wawo,

HAGAI 1:12

Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA.

ZABURI 78:68

Ela oresaghueghe kichuku cha Juda, na Mghondi ghwa Sioni ugho ughukunde.

NEHEMIA 12:8

Walawi ni awa: Jeshua, Binui, Kadmieli, Sherebia, Juda, na wokoni Matania; uo chiaimweri na waruna, werekoghe wazighaniri wa chumbo refunya chwawucha.

NEHEMIA 12:1

Agha nigho marina gha wakohani na Walawi werewurieghe kufuma wubarishonyi na Zerubabeli na mwana wa Shealtieli, na Mkohani M'baa Jeshua: Seraia, na Jeremia, na Ezra,

2 MALAGHO GHA NGELO 6:6

Ela namerie kusaghua Jerusalemu eri Irina japo jikaieghe aho, na Daudi ukaie aighu ya wandu wapo Israeli.’

1 MALAGHO GHA NGELO 3:19

Wana wa Pedaia ni: Zerubabeli na Shimei; na wana wa Zerubabeli ni: Meshilamu, Hanania na mruna wa waka Shelomithi;

KUFUMA 27:1

“Kubonye madhabahu kwa mudi ghwa mgholeka, ikatane chia rose, meta iwi na pointi iwi, na wuighu ghukaie meta imweri na pointi idadu.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

EZRA 5:2

Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

MITALO 28:2

uwifundishe wandu wa Israeli kukaia mafunyo wimfunyiragha Mlungu kwa ngelo raro vikaie viboie vinukie nicha.

WATANYI 6:24

Nao Gideoni ukamuaghia BWANA madhabahu aho na kuiwanga, “Bwana nuo sere.” “Nayo yaduagha aho Ofra ya Wabiezeri hata linu.”

1 MALAGHO GHA NGELO 23:14

Ela wana wa Musa uo mundu wa Mlungu weretaliloghe andenyi ya mbari ya Lawi.

EZRA 10:18

Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

EZRA 10:20

Kichuku cha Imeri ni: Hanani na Zebadia.

EZRA 10:21

Kichuku cha Harimu ni: Maaseia, Elija, Shemaia, Jahileeli, na Uzia.

EZRA 10:22

Kichuku cha Pashuri ni: Elioenai, Maseia, Ishmaeli, Nethaneli, Jozabadi, na Elasa.