EZRA 1:1 - Biblia Ilagho Jiboie Kwa Wandu Wose

¹ Mwaka ghwa imbiri ghwa kubonya nguma kwa Koreshi mzuri wa Pashia, BWANA orejikatishireghe ilagho jake ijo orejighorieghe kwa momu ghwa mlodi Jeremia. Ukam'bonya Koreshi mzuri wa Pashia, ufunye momu na kudumwa kwa maandiko andenyi ya wuzuri ghwake ghose ghupate kushomwa kwa lwaka kula andu seji inughagha,

EZRA 1:1 Referans Kwoze

JEREMIA 29:10

“BWANA waghamba huwu, ‘Miaka mirongo mfungade ya kudwalwa wunyika Babuloni ikakata, nichamchea; nani nichajikatisha ilaghiro japo, na kummbunja andu aha.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

EZRA 7:27

Ezra ukaghamba, “BWANA, uo Mlungu wa weke aba ndekaso! Wam'bonyere mzuri ukunde kuibonyera ishima Hekalu iyo iko Jerusalemu.

ZABURI 106:46

Ukawibonya wakorongi wawo wiwiwonie wughoma.

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

DANIELI 2:1

Mzuri Nebukadnezari ukibonya nguma, mwaka ghwake ghwa kawi orelodieghe ndodo ikamjisha wasi ngolonyi, na dilo rake rikaela.

JOHANE 1:23

Johane ukawitumbulia, “Ini ne uja mundu malagho ghake ghereghoreloghe ni mlodi Isaya huwu: ‘Lwaka lwa mndumu lwasikirika kireti; ghoruonyi chia ya Bwana.’”

EZRA 1:5

Niko wabaa wa kichuku cha Juda na Benjamini, na wakohani, na Walawi, na kula mundu orenyavushiroghe ngolo ni Mlungu, ukakuwika nicha kujoka uendeagha Hekalu ya BWANA iko Jerusalemu.

EZRA 4:3

Ela Zerubabeli, Jeshua na wabaa wa vichuku Israeli wikawizera, “Ndedine haja ya wutesia ghonyu ghoagha Hekalu ya Mlungu odu; dichaiagha diweni sa iji koni Koreshi mzuri wa Pashia oredilaghirieghe.”

EZRA 6:3

“Mwaka ghwa imbiri ghwa kubonya nguma kwa Koreshi, orefunyireghe momu kukaia Hekalu iko Jerusalemu iagho sena; andu vizongona vifunywagha, na vizongona vikorwagha. Hekalu iyo ikaie na wuighu ghwa meta mirongo iwi na mfungade na wushapa ghwaro meta mirongo iwi na mfungade wokoni.

EZRA 6:14

Vilongozi va Kiyahudi wikachuria kuagha na kuwona nicha kwa kusikira machilo gha Mlodi Hagai na Zekaria mwana wa Ido. Wikameria iaghi jawo sa iji koni werelaghiriloghe ni Mlungu wa Israeli, na kwa malaghiro gha Koreshi, na Dario, na Artashasta wazuri wa Pashia.

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

JEREMIA 1:1

Agha ni malagho gha Jeremia mwana wa Hilkia, umu wa wakohani werekoghe muzi ghwa Anathothi ghuko andenyi ya isanga ja Benjamini.

EZEKIELI 38:5

Wikwanye na Pashia, Kushi na Putu, wose wiko na ngao, na kofia ra chuma.

DANIELI 6:25

Niko mzuri Dario ukawiandikia wandu wose wa mbari na viteto wikaiagha ndoenyi kose: “Sere ndeichurikie konyu.

DANIELI 9:2

Mwaka ghwa imbiri ghwa kubonya nguma kwake, ini Danieli nerekoghe ngishoma vuo na dini, na kuririkanya malagho gha iyo miaka mirongo mfungade Jerusalemu ichaakaia ighacho kunughana na seji BWANA oremghorieghe.

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera:

DANIELI 1:21

Danieli ukasigharika aho ngomenyi kwa mzuri, hata mwaka ghwa imbiri ghwa mzuri Koreshi.