DANIELI 9:6 - Biblia Ilagho Jiboie Kwa Wandu Wose

⁶ Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

DANIELI 9:6 Referans Kwoze

DANIELI 9:10

Ndederekusikireghe oho ee BWANA Mlungu odu, hata kunugha sharia rako koredinekieghe kwa chia ya wadumiki wako walodi.

NEHEMIA 9:34

Wazuri wedu, na wabaa wedu, na wakohani wedu na weke aba, ndewiiwadie Sharia yako. Ndeweresikireghe malaghiro ghako korewinekieghe.

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

MABONYO GHA WADUMI 13:27

Na kwa kukaia wandu wikaiagha Jerusalemu na wabaa wawo wiseremmanyireghe nuo Mkiri, hata kutambukilwa ni malagho gha walodi ghishomwagha kula Sabato, wereghikatishireghe agho kwa kumtanya ubwagho.

MATHAYO 23:37

“Ee Jerusalemu, Jerusalemu, kubwaghagha walodi na kuwilasa na magho awo widumwagha kwako. Ni kalinga neretimieghe kuwikwanya wana wako, seji nguku ivikwanyagha vana vake aisi ya mawawa ghake, ela kukalegha.

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 29:19

kwa kukaia waleghie kusikira malagho ghapo nighidumie kwawo tuli tuli kwa chia ya wadumiki wapo walodi, ela ndeweresikireghe.

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

2 WAZURI 18:12

Maza iri rerebonyekieghe angu Waisraeli wereleghieghe kumsikira BWANA Mlungu wawo, wikabonya makosa ghesigha malaghano ghake, hata sharia rose rerenekeloghe Musa mdumiki wa BWANA; wikalegha putu kurisikira na kuribonya.

DANIELI 9:9

Oho Bwana Mlungu odu ko wa wughoma, kulekagha makosa, hata ngera dakuleghie.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

JEREMIA 7:24

Ela ndewerenisikireghe hata kunideghia kudu; wikaghenda kwa kunugha njama rawo reni, kwa kukua kwa ngolo rawo rizamie; wikazama kuchumba kukaia nicha.