DANIELI 9:5 - Biblia Ilagho Jiboie Kwa Wandu Wose

⁵ Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

DANIELI 9:5 Referans Kwoze

MALAKI 3:7

Mwaghalukie mkarisigha sharia rapo sa weke ndeyo werekoghe imbiri konyu, hata ndemoreriwadieghe anduangi. Wuyenyi kwapo nani nichammburia. Ela mwaawuyakotia, ‘Dibonya wada ima dikuwurie?’

DANIELI 9:11

Wandu wose wa Israeli wamerie kuchikanya sharia rako, wikaghaluka na kulegha kukusikira. Kwa huwo njowe na maghemi ghose ghiandikilo andenyi ya Sharia ya Musa mdumiki wako, ghamerie kudichea; kwa kukaia dakubonyere kaung'a.

DANIELI 9:15

“Idana ee BWANA Mlungu odu, oho korewifunyireghe wandu wako kufuma isanga ja Misri kwa mkonu ghwa ndighi, na irina jako jikamanyika hata idime. Isi dabonyere kaung'a, dabonyere makosa.

ZABURI 106:6

Dabonyere kaung'a sa weke wawa; dakosere, dikabonya mawiwi.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

HOSEA 1:2

Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

KILILO CHA JEREMIA 1:20

“Zighana wasi na kuwawa kwapo kwa ngolonyi ee BWANA! Ngolo yapo yawawa kwa wundu ghwa kaung'a rapo. Wandu waawuyabwaghwa achienyi, hata nyumbenyi wori kifwa cheko aeni.

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

ZABURI 18:21

Nailindirie sharia ya BWANA, hata sikosere kwa kumsigha Mlungu wapo anduangi.

JEREMIA 3:25

Idana ndedilale andonyi kwa wundu ghwa waya ghodu, na uko kusowekelwa ni ishima kodu ndekudifinikire; kwa kukaia dabonyere kaung'a kwa BWANA Mlungu odu, chiaimweri na weke aba, kufuma wanake ghodu hata idime, hata ndederelusikireghe lwaka lwa BWANA Mlungu odu anduangi.”

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ZABURI 119:102

Sisighagha mawonyero ghako, angu kunifundishire.

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

ZABURI 119:176

Namara-mara sa ng'ondi ilagharie; kunilole ini mdumiki wako, kwa kukaia siwueliwa malaghiro ghako anduangi.

JEREMIA 44:3

kwa wundu ghwa wuwiwi wereghubonyereghe na kuwusira machu ghapo, iji wereghendieghe kufukiria milungu mizima marumba na kuitasa; iyo, awo weni angu inyo, hata weke ndeyo wisereimanyireghe anduangi.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

KILILO CHA JEREMIA 3:42

“Dabonyere kaung'a dikakulegha, na oho ee BWANA ndekudifuye wughoma.

DANIELI 9:9

Oho Bwana Mlungu odu ko wa wughoma, kulekagha makosa, hata ngera dakuleghie.

2 WAZURI 18:12

Maza iri rerebonyekieghe angu Waisraeli wereleghieghe kumsikira BWANA Mlungu wawo, wikabonya makosa ghesigha malaghano ghake, hata sharia rose rerenekeloghe Musa mdumiki wa BWANA; wikalegha putu kurisikira na kuribonya.

2 WAZURI 21:15

kwa kukaia wabonyere wuwiwi imbiri kwapo na kunibonya nijoko ni machu ghapo kufuma ituku weke ndee werefumieghe Misri hata linu.”

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.

JEREMIA 14:20

Darumiria wuwiwi ghodu ee BWANA, na makosa gha weke aba wori daghirumiria kwa kukaia deekubonyera oho kaung'a.

JEREMIA 30:14

Wandu wose m'bonyere nawo lukundo wamliwie, ndewimtalagha hata kutini, namkabie karakara na kukaba kwa m'maiza, ngamkaba kuseko na kummbonia wughoma, na kukaia makosa ghenyu ni mabaa, na kaung'a renyu ni nyingi.

EZEKIELI 5:6

Ela wandu wa Jerusalemu wikailegha memu yapo, wikakuwonyera weni kukaia wawiwi kuchumba iro mbari ra wandu kwa kulegha malaghiro ghapo kuchumba wandu wa masanga agho ghighumarie ugho muzi; wikailegha memu na malaghiro ghapo.