DANIELI 9:24 - Biblia Ilagho Jiboie Kwa Wandu Wose

²⁴ “Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

DANIELI 9:24 Referans Kwoze

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

MITALO 14:34

Mchaduka msigo ghwa ikosa jenyu kwa miaka mirongo ina kara kara na seji moreghendieghe mkajizighana isanga kwa matuku mirongo ina; kula ituku mwaka mlazi, nenyo mchamanya seji nizamilo!

WALAWI 25:8

“Kutale miaka mfungade mando mfungade iyo ya kuhora kwa mbuwa, mando mfungade; ipate kuvika miaka mirongo ina na ikenda.

MABONYO GHA WADUMI 3:22

Musa oreghambieghe, ‘Bwana Mlungu uchammbusiria inyo mlodi kufuma kwa wanyinyu sa iji koni oreniwusirieghe ini; nenyo mchamsikira kwa malagho ghose uchaamghoria.

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ISAYA 51:8

Angu awo wichajighwa seji soya ijagha nguwo, na seji vivunyu vijagha sufu; ela hachi yapo ichadua kwa kala, na kukia kwapo kuchakaia kwa vivalwa vose.”

ZABURI 45:7

kwaikunda hachi na kuzamilwa ni kiwiwi. Kwa huwo Mlungu, Mlungu wako wakushingie mavuda, na kukuneka kuboilwa kubaa kuchumba wambenyu.

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

EZEKIELI 4:6

Kukameria mtalo ghwa agho matuku, kuchaghaluka luwaru, kulale indo ja kawi na luwaru lwa mkonu ghwa kiwomi, kupate kuduka ikabo ja wandu wa Juda; mtalo ghwaro nikuwikie ghuchakaia matuku mirongo ina, ituku jimweri jikatanisho na mwaka ghumweri.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

2 MALAGHO GHA NGELO 29:24

Wakohani wikaribwagha, wikafunya kizongona kwa wundu ghwa kaung'a kwa kudia bagha yaro aighu ya madhabahu, kukaia wupatanisho kwa wundu ghwa wandu wose wa Israeli. Angu mzuri orefunyireghe momu kukaia, kizongona chekora na kizongona kwa wundu ghwa mapatano chifunyo kwa wundu ghwa wandu wose wa Israeli.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.

WAEBRANIA 10:14

Angu kwa uko kukufunya indo jimweri, wawikatisha kwa kala na kala awo wieleshwagha.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

WAKOLOSAI 2:14

na kuivuta ija karatasi ya mashitakio erekoghe ikidishitakia kwa sharia raro; nayo oreiwikieghe na mbai, ukiiwamba aighu ya msalaba.

WAKOLOSAI 1:20

na kwa chia ya uo Mwana, uvipatanishe vilambo vose na uo moni; ngera veeka ndoenyi, angu mlungunyi; na kubonya sere kwa chia ya bagha kwa kifwa cha msalaba ghwake.

MABONYO GHA WADUMI 3:14

Ela inyo moremleghieghe uja Mweli, uo Mhachi; mkakunda mfunguilo m'bwaghi wandu.

JOHANE 1:41

Imbiri ukammbona mruna Simoni, ukamzera, “Dammbona Masiha.” (Kutambua kwaro ni Kristo.)

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

MARKO 1:24

ukighamba, “Isi dawadieki kwako, Jesu wa Nazareti? Kwaacha kuditotesha? Nakuichi oho nani; ni uja Mweli wa Mlungu.”

MATHAYO 11:13

Walodi wose na Sharia ra Musa, wereghorieghe malagho gha ngelo iri.

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

EZEKIELI 28:12

“Mwana wa mdamu, lilia mzuri wa Tiro kumzere kukaia ini, Bwana MLUNGU naghamba huwu: Korekoghe fwana iboie, kughokie, kuchue hikima.

KILILO CHA JEREMIA 4:22

Ikabo ja Sioni kwa wundu ghwa kaung'a rake jamerie kukata; BWANA ndechaammbika wubarishonyi sena. Ela BWANA uchakukaba oho Edomu. Na kufunukua wuwiwi ghwa mabonyo ghako worinyi.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

MATHAYO 4:5

Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi,

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

MABONYO GHA WADUMI 4:26

Wazuri wa ndoenyi wakudeghie, na wabaa wikakwana chia imweri wimtangale Bwana na kulwa na Kristo wake.’

EZEKIELI 4:5

Angu nakuwikia mtalo ghwa matuku kuchaalala aho; matuku maghana adadu na mirongo ikenda, ghikatane na miaka ya kukabwa kwawo, kunughana na matuku ghose kuchaaduka ikabo ja wandu wa Israeli.

ZEKARIA 4:14

Niko ukaghamba, “Awa ni waja wandu wawi wishingilo mavuda wipate kumdumikia BWANA wa ndoenyi kose.”

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”