DANIELI 9:19 - Biblia Ilagho Jiboie Kwa Wandu Wose

¹⁹ Ee BWANA, sikira; Ee BWANA, fuya wughoma; Ee BWANA, sikira kubonye. Kusakemuka ee Mlungu wapo, kwa wundu ghwako kumoni, na kwa wundu ghwa muzi ghwako, na wandu wako wiwangilo kwa irina jako.”

DANIELI 9:19 Referans Kwoze

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

LUKA 11:8

Namghoria, hata ngera saki ndekunde kuwuka umneke kindo chingi, angu wei ni mghenyi wake, ela angu wafunga ndighi kumlomba kuseko waya, loli uchawuka na kumneka vose ukundagha.

AMOSI 7:2

Hata iji zighe rameria kuja nyasi rose ra isangenyi, nereghambieghe, “Ee Bwana MLUNGU, nakuvoya kufuye wandu wako wughoma, Wandu wa Israeli wadima wada kukaia moyo? Weeka watini nandighi.”

WAEFESO 3:10

ipate kukaia kwa chia ya ikanisa, hikima ya Mlungu iko kwa chia zima-zima, imanyike idana kwa wabaa na awo wiwadie ndighi wa malalo gha mlungunyi.

WAEFESO 1:12

isi deresuwirieghe andenyi ya Kristo koimbiri, damerie kusaghulwa na kuwikwa dikaie moyo kwa wundu ghwa kughukasa ugho wubaa ghwake.

JEREMIA 14:9

Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

MITALO 14:19

Nakulomba kuwifuye wughoma wandu awa ikosa jawo, karakara na wungi ghwa lukundo lwako, na karakara na seji koni korekoghe kwawifuya wughoma kufuma Misri hata idana.”

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

EZEKIELI 39:25

Bwana MLUNGU waghamba huwu, “Idana nichammbunjira Jakobo mali rake, na kuwiwonia wughoma wandu wa Israeli nani nichakaia na iriso kwa wundu ghwa irina japo ja wueli.

EZEKIELI 36:22

“Kwa huwo kuwizere wandu wa Israeli kukaia ini Bwana MLUNGU siwuebonya maza iro kwa wundu ghonyu, ela ni kwa wundu ghwa irina japo ja wueli, ijo mujilushire aghadi ya iro mbari ra wandu morerighendieghe.

EZEKIELI 20:22

Ela nereghughirieghe mkonu ghwapo ghusebonye wuwiwi ghungi kwa wundu ghwa irina japo, eri jisechelushwa aghadi ya iro mbari ra wandu, iro ini nerekumanyishireghe nimoni kwa kuwifunya Israeli isanga ja Misri.

EZEKIELI 20:14

Ela kwa wundu ghwa irina japo, serebonyereghe huwo, eri jisechesholelwa na kulushwa mesonyi kwa iro mbari ra wandu werekaieghe aghadi kwawo; iro ini nerekumanyishireghe nimoni kwa kuwifunya wandu wa Israeli isanga ja Misri.

EZEKIELI 20:9

Ela kwa wundu ghwa irina japo serebonyereghe huwo; eri jisechesholelwa na kulushwa imbiri ya mbari ra wandu iro werekaieghe aghadi yawo; awo ini nerekumanyishireghe nimoni kwawo kwa kuwizera Waisraeli nichawifunya isanga ja Misri.

JEREMIA 25:29

Olenyi nazoe kazi eghunona ughu muzi ghuwangilo kwa irina japo. Mwadima kughenda msekabilo? Ndeidimikagha mghende kusekabilo, kwa kukaia nichareda wuda ghuche aighu ya wandu wose wikaiagha ndoenyi.’

2 MALAGHO GHA NGELO 6:39

kusikire kufuma mlungunyi andu kukaiagha, agho malombi na kuvoya kwawo, kuwifuye wughoma wandu wako wikubonyere kaung'a, kuwikatishiere seji walomba.

2 MALAGHO GHA NGELO 6:21

Kusikire kuvoya kwa mdumiki wako na kwa wandu wako Israeli iji wakalomba wikilangaya andu aha, ee, kusikire kufuma mlungunyi andu kukaiagha; na iji kwasikira, kufuye wughoma.

MABONYO GHA WADUMI 15:17

Eri wandu wisigharikie wimlole Bwana, na wandu wose wa mbari zima, wiwangilo kwa irina japo,

MITALO 6:27

“Kwa chia iyo, wichajimanyisha irina japo aghadi ya wandu wa Israeli, nani nichawirasimia.”

ISAYA 43:7

awo wose wiwangilo kwa irina japo, awo nerewiumbieghe kwa wundu ghwa wubaa ghwapo; ngawibonya na kuwiumba.”