DANIELI 9:12 - Biblia Ilagho Jiboie Kwa Wandu Wose

¹² Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

DANIELI 9:12 Referans Kwoze

EZEKIELI 5:9

Na kwa wundu ghwa wuchafu ghwako ghose kubonyere, nichakubonya maza jingi niseribonyere, sena nisechaaribonya jingi.

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

ISAYA 44:26

Nadakatisha ilagho ja mdumiki wapo, na kukatisha njama ra wadumwa wapo. Nadazera Jerusalemu, ‘Kuchakailwa ni wandu,’ na mizi ya Juda, ‘Kuchaaghwa na maghacho ghako ghichawusirwa.’

KILILO CHA JEREMIA 2:17

BWANA wabonya sa iji koni oreghorieghe. Waditotesha kuseko wughoma sa iji koni oreghambieghe.

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

AYUBU 12:17

Wadawisoka wanjama hikima, na watanyi wadawiwunja wakelu.

WAROMA 15:8

Angu namzera inyo, Kristo orewurieghe mdumiki wa awo wishamishiro, upate kuwonyera wuloli ghwa Mlungu, na kughimangisha agho malaghiro gherenekeloghe weke wawa;

LUKA 21:22

Angu agho ghichakaia ni ‘Matuku Ghekabwa,’ kukatisha agho ghose ghiandikilo.

MARKO 13:19

Angu matuku agho, kuchakaia na matiriro jingi ghisewonekie kufuma kuumbwa kwa wurumwengu, hata na jingi sena ndeghichaakaia anduangi.

MATHAYO 24:21

Angu kuchakaia na wasi m'baa na ndighi, jingi ghusewonekie kufuma kuzolwa kwa wurumwengu hata idana; nagho ndeghuchaawoneka jingi sena anduangi.

MATHAYO 5:18

Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.

ZEKARIA 1:8

Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

EZEKIELI 13:6

Wadedie malagho ghiseko gha loli, na kulaghua malagho gha tee wikighamba, ‘BWANA waghamba,’ sena usewidumie; na ii chia wikisuwiria BWANA uwikatishire wulodi ghwawo.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

MAKATANISHO 8:16

Kwa wutesia ghwapo, wabaa na awo wandu wa ishima wadabonya nguma kwa hachi ndoenyi kose.

ZABURI 148:11

Mkasenyi inyo wazuri wa ndoenyi na wandu wose, wabaa na wabonyi nguma wose wa ndoenyi,

ZABURI 2:10

Kwa huwo idana ee wazuri, mkaie na hikima; inyo wabonyi nguma wa ndoenyi mkufundishe.

1 WAZURI 3:9

Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

JEREMIA 30:7

Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 39:16

“Ghenda kumzere Ebedi-meleki Muethiopia huwu, ‘Ini BWANA wa majeshi, Mlungu wa Israeli naghamba nichakatisha malagho ghapo nereghighorieghe aighu ya ughu muzi; kwa kughubonya kiwiwi hata si kughubonyera nicha anduangi, nagho ghichakatia ituku ijo imbiri yako.

JEREMIA 44:23

Ni kwa wundu ghwa inyo kuifukiria milungu mizima marumba, na kum'bonyera BWANA kaung'a mselusikiragha lwaka lwake kwa kughenda kwa sharia rake, memu yake na mashuhudio ghake, niko ughu wuwiwi ghose ghumerie kumchea sa iji koni mughuwonagha idime.”

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

ZEKARIA 7:12

Wikakurisha ngolo rawo sa igho wisesikire sharia, na malagho ghapo agho nereghidumieghe kwa Roho wapo kwa chia ya walodi wa imbiri. Kwa huwo ngajokwa ni machu mabaa.

2 WAZURI 22:16

Ola nichareda wuwiwi kwa muzi ughu na kwa wandu waro, kara kara na agho malagho mzuri wa Juda waghishoma.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”