DANIELI 8:19 - Biblia Ilagho Jiboie Kwa Wandu Wose

¹⁹ Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

DANIELI 8:19 Referans Kwoze

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

WUFUNUO 17:17

angu Mlungu oojingira ijo ilagho ja kukaia na nia imweri ngolonyi kwawo, hata wikaineka iyo nyamandu ndighi rawo ra kiwuzuri, eri wipate kughukatisha mpango ghwa Mlungu, hata malagho ghake ghameria kukatishwa.

DANIELI 11:27

Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

WUFUNUO 15:1

Niko nerewonieghe alama zima mlungunyi iko mbaa eobosha; weke malaika mfungade wiko na makabo mfungade gha kutua, na kwa agho, machu gha kubia kwa Mlungu ghichakatia.

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”

WUFUNUO 10:7

Ela iji malaika wa mfungade uchaaikaba tarumbeta yake, iyo ngasu ya Mlungu oreighorieghe ukitumia wadumiki wake, awo walodi, ichakatishwa.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

DANIELI 8:23

Kutua kwa kubonya nguma kwawo, iji wabonyi wuwiwi wichaakatisha wuwiwi ghwawo, uchawuka mzuri umu ubirie uichi ndawi.

LUKA 21:23

Si wasi ugho kwa awo wiko na vifu na awo wiongoshagha matuku agho! Angu kuchakaia na matiriro mabaa isangenyi, na machu gha Mlungu ghichakaia aighu ya wandu awa.

ZABURI 102:13

Kuchawuka na kuwonia Sioni wughoma; ngelo yake efuilwa wughoma yameria kuvika ngelo yaro ni icheni ihi.

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”