DANIELI 8:15 - Biblia Ilagho Jiboie Kwa Wandu Wose

¹⁵ Niendawona agho mawono, ini Danieli nerelolieghe nimanye kutambua kwaro; nani ngawona mndumu wakaia kimusi imbiri kwapo.

DANIELI 8:15 Referans Kwoze

DANIELI 10:16

Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.

DANIELI 10:18

Niko uo malaika ufwanane na mdamu ukaniadada sena, ukaningira ndighi.

WUFUNUO 13:18

Aha yakundikie hikima: uo udimagha kutambukilwa, ndebonye mtalo ghwa iyo nyamandu, angu ni mtalo ghwa mundu; na mtalo ghwaro ni maghana arandadu mirongo irandadu na irandadu.

MARKO 13:14

“Ela kasikira mwammbona uja ‘Mmbiwi Mnoni’ wakaia kimusi andu kuseko kwake anduangi, (uo ushomagha ndetambuo); kimu icho, awa wiko Judea, ndewikimbirie mghondinyi.

MARKO 4:12

eri, ‘Kuzighana, loli wizighane, ela wisakewona anduangi; na kusikira, loli wisikire, ela wisaketambukilwa anduangi. Eri wisecheghaluka, na kulekelwa kaung'a rawo.’”

MATHAYO 24:30

Niko aho ichawoneka alama ya Mwana wa Mdamu aighu mawingunyi, na mbari rose ra ndoenyi richakema na kulila, nawo wichammbona Mwana wa Mdamu ukicha aighu ya mawingu gha mlungunyi uko nandighi na wubaa mungi;

MATHAYO 24:15

“Ela kasikira mwammbona uja ‘Mmbiwi Mnoni’, uo oreghoreloghe ni mlodi Danieli, ukikaia kimusi andu kwa wueli, (uo ushomagha ndetambuo)

MATHAYO 13:36

Nao Jesu ukalaghana na wandu, ukangia nyumbenyi; na wanughi wake wikamchea wikimzera, “Kuditambushire ugho mfwano ghwa isaka jifwanane na ngano mbuwenyi.”

DANIELI 12:8

Neresikireghe ela seretambukiloghe anduangi. Niko ngakotia, “Ee bwana wapo, kutua kwa iri maza kuchakaia wada?”

DANIELI 10:5

Ngawusira meso ghapo na kuzighana, ngawona mundu urushiro nguwo ya kitani, urwae mkowa ghwa dhahabu iboie na ndighi kiwonunyi kwake.

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JOSHUA 5:14

Uja mundu ukamtumbulia, “Hata. Ini nacha, ne m'baa wa majeshi gha BWANA.” Nao Joshua ukaghwa kiwushu-wushu na kudunga chongo chake andonyi. Ukatasa ukighamba, “Bwana wapo wakunde ini mdumiki wake nibonye wada?”

DANIELI 8:1

Mwaka ghwa kadadu ghwa kubonya nguma kwake mzuri Belshazari, ini Danieli nerewonieghe mawono gha kawi.

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

ZEKARIA 1:9

Niko ngamkotia, “Kutambua kwaro iri farasi niki BWANA wapo?” Ukatumbulia, “Nichakuwonyera kutambua kwaro.