DANIELI 6:24 - Biblia Ilagho Jiboie Kwa Wandu Wose

²⁴ Mzuri ukafunya momu waja wandu weremshitakieghe Danieli wiredo na kukumbwa andenyi ya kizimba cha shimba; awo, na wana wawo, na waka wawo; Imbiri wisevikie kondonyi kizimbenyi, shimba rikawiwada na kuchikanya maindi ghawo.

DANIELI 6:24 Referans Kwoze

ISAYA 38:13

Nakema ngilola wutesia hata nakesho; wachikanya maindi ghapo karakara na shimba, kula dime na kio kwanisoghora kaavui na kutua kwapo.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

ZABURI 54:5

Mlungu ndewikabe wamaiza wapo na wuwiwi ghwawo; uwimerie kwa wuloli ghwake.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

2 WAZURI 14:6

Ela wana wa awo wabwaghi nderewibwaghieghe, kunughana na chuo cha Sharia ya Musa ighambie, “Wavi wisebwagho kwa wundu ghwa mawiwi ghibonyero ni wana wawo; na wana wisebwagho kwa wundu ghwa mawiwi ghibonyero ni weke ndee; ela kula mundu uchabwaghwa kwa wundu ghwa wuwiwi ghwake moni.”

WUKUMBUSO 24:16

“Wavi wisebwagho kwa wundu ghwa kaung'a ra wana, na wana wisebwagho kwa wundu ghwa kaung'a ra wavi; kula mundu ubwagho kwa wundu ghwa kaung'a rake moni.

MAKATANISHO 11:8

Mundu wa hachi wadakirwa na maza rizamie, ela mundu mmbiwi wadawunjirwa iro maza mbiwi.

ESTA 9:10

wana wa womi ikumi wa Hamani wa Hamedatha, m'maiza wa Wayahudi. Ela ndewerewisokieghe wandu mali rawo anduangi.

DANIELI 3:22

Idana kwa kukaia momu ghwa mzuri ghorekoghe ghubirie, na modo ghwa ijo iwiwi kukaia ghubirie nandighi, lumu lwa ugho modo lukawibwagha waja wandu werewiwadieghe Shadraka, na Meshaki, na Abednego.

MAKATANISHO 19:9

Mshahidi wa tee ndechaakaia usenekelo ikabo, na uhu ughoragha tee uchatota.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.