DANIELI 6:10 - Biblia Ilagho Jiboie Kwa Wandu Wose

¹⁰ Nao iji Danieli wamanya kukaia ija sharia yameria kungirwa sahihi, ukaghenda nyumbenyi kwake ukajoka gorofenyi ukarughua madirisha ghake kulangaya cha Jerusalemu, ukadunga ngokoro mando adadu kwa ituku, ukalomba na kufunya chawucha kwa Mlungu wake sa iji koni orekoghe ukibonya.

DANIELI 6:10 Referans Kwoze

ZABURI 55:17

Nadamlalamikia BWANA ngilila, nakenyi na nakesho na dimeghadi, nao wadanisikira.

MABONYO GHA WADUMI 5:29

Ela Petro na wadumi wambao wikatumbulia, “Ni suti dimsikire Mlungu kuchumba wadamu.

ZABURI 95:6

Choonyi dighoghome dimtase; dimdungie ngokoro BWANA Muumbi odu.

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

ZABURI 34:1

Nichamkasa BWANA ngelo rose; sichaasigha kumkasa tulituli.

ZABURI 5:7

Ela ini, kwa wundu ghwa wungi ghwa lukundo lwako lukatie, nichangia Hekalunyi kwako. Nichatasa ngiilangaya Hekalu yako ya wueli, ngikuneka ishima.

MABONYO GHA WADUMI 9:40

Ela Petro ukawifunya shighadi wose, ukadunga ngokoro ukalomba Mlungu; niko ukaighalukia gharia ukaghamba, “Tabitha wuka.” Nao ukalavua meso; hata iji wammbona Petro, ukasea kidombo.

JONA 2:4

Neregheshereghe wei nameria kukumbwa noko kuseniwoneghe; nani siwuyaaiwona Hekalu yako ya wueli sena.

1 WAZURI 8:54

Solomoni uendameria kulomba na kumvoya BWANA, ukawuka imbiri ya madhabahu ya BWANA aho oredungieghe ngokoro na mikonu yake yawusirwa nokoighu cha mlungunyi;

1 WAZURI 8:44

“Iji kwaduma wandu wako wiendelwa na wamaiza wawo, na iji wakulomba oho BWANA wikilangaya ughu muzi koreghusaghueghe, na Hekalu niiaghie ekutasira,

WAEFESO 3:14

Kwa wundu ughu, namdungia ngokoro uja Aba,

MABONYO GHA WADUMI 10:9

Ituku ja kawi, iji werekoghe wikighenda, ngelo wavika kaavui na muzi, Petro orekoghe wajoka aighu nyumbenyi kwenda lomba Mlungu sa saa irandadu.

DANIELI 6:13

Nao wikamzera mzuri, “Danieli uja mundu wa waja wibarishiro kufuma isanga ja Juda ndekutalagha oho ee mzuri, hata ndeitalagha ija sharia kuingirie sahihi, ela wadamlomba Mlungu mando adadu kwa ituku.”

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

1 WAZURI 8:38

ilombi ijo jose angu kuvoya kwabonywa ni mndungi angu wandu wose wa Israeli, kula umu ukiwawa ni ngolo kwa loli, na kuwusira mikonu yake nokoighu wikilangaya Hekalu ihi,

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WAKOLOSAI 3:17

Nenyo mkakabonya ilagho ijo jose, kwa madedo angu kwa mabonyo, bonyenyi kula ilagho kwa irina ja Bwana Jesu, mkimfunyira Mlungu Aba chawucha kwa uo.

WAFILIPI 1:20

Angu niko nawuyawona na kusuwiria nandighi kukaia, sichaafushwa waya anduangi; ela kwa ngolo mbaa, idana sa matuku ghose, Kristo uchabonyerwa ishima mumbinyi kwapo; ngera ni kwa chia ya kukaia moyo, angu kwa chia ya kufwa.

MABONYO GHA WADUMI 20:36

Nao iji wameria kughora agho ukadunga ngokoro; ukalomba Mlungu chiaimweri nawo wose.

NEHEMIA 6:11

Ela ngatumbulia, “Mundu sa ini nadima kukimbia na kukuvisa? Kuaghesha nadima kutima kwendakira irangi japo kwa kukuvisa Hekalunyi? Sibonyagha huwo kungi.”

2 MALAGHO GHA NGELO 6:38

wikahea kwa nia na kwa ngolo yawo yose ahoeni wunyikenyi weredwaloghe, na kulomba wikilangaya cha isangenyi jawo ijo korewinekieghe weke ndee, na ugho muzi kughusaghue, na Hekalu niiaghie ekutasira,

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.

MABONYO GHA WADUMI 21:5

Ela matuku ghedu ghekaia aho ghiendasia, dikaghenda imbiri na charo chedu; nawo wose chiaimweri na waka na wana, wikadifumira hata shighadi ya muzi; dikadunga ngokoro mbai-mbai ya bahari, dikalomba Mlungu na kulaghana nawo.

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

MABONYO GHA WADUMI 7:60

Nao ukadunga ngokoro ukakema na lwaka lubaa, “Bwana kusekewitalia kaung'a ihi.” Uendaghora huwo, ukafwa.

MABONYO GHA WADUMI 5:20

“Ghendenyi mkaie kimusi Hekalunyi, muwighorie wandu malagho ghose gha irangi iji iwishi.”

MABONYO GHA WADUMI 4:29

Idana ee Bwana, zighana kukumba wowa kwawo; kuwineke wadumiki wako kujighora ilagho jako kwa wuwana ghose;

MABONYO GHA WADUMI 3:1

Ituku jimu, Petro na Johane werekoghe wikijoka kughenda Hekalunyi ngelo ya kulomba saa ikenda.

MABONYO GHA WADUMI 2:15

Wandu awa ndewiwongerie seji mugheshagha, angu idana ni saa idadu ra dime;

LUKA 22:41

Nao ukawisigha ukaghenda sa wukula ghwa kukumba igho, ukadunga ngokoro ukalomba ukighamba,

LUKA 14:26

“Mndungi ukacha kwapo, usezamilo ni ndee, na mae, na mkake, na wana wake, na waruna wa waka na wa womi, hata na irangi jake wori, ndedimagha kukaia mnughi wapo anduangi.

ZABURI 86:3

Kuniwonie wughoma ee BWANA, angu nakulilia dime dii.

EZRA 9:5

Ngelo efunya kizongona cha luma lwa kenyi, nerewukieghe andu nerekoghe ngifunga tumu, na nguwo rapo rirashukie, ngaghwa ngokoronyi, na kuighorua mikonu yapo cha kwa BWANA Mlungu wapo,

2 MALAGHO GHA NGELO 6:13

Solomoni orekoghe wabonya kiwayo cha shaba, cha meta iwi na pointi iwi wulacha, na meta iwi na pointi iwi wushapa, na wuighu ghwa meta imweri na pointi idadu, ukachiwika wazenyi; nao ukajoka na kukaia kimusi aighu yaro. Niko ukadunga ngokoro imbiri ya ikwanyiko jose ja Israeli, ukaghorua mikonu yake cha mlungunyi,

1 WAZURI 8:30

Iji ini mdumiki wako na wandu wako Israeli dalomba dikilangaya andu aha, kusikire aho mlungunyi kwako kukaiagha, kudifuye wughoma.

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

MARKO 3:3

Jesu ukamzera uja mundu uko na mkonu ghwake ghukelemere, “Choo aha imbiri.”