DANIELI 5:11 - Biblia Ilagho Jiboie Kwa Wandu Wose

¹¹ Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:11 Referans Kwoze

DANIELI 4:18

Ihi niyo ndodo niilodere ini Nebukadnezari ee Belteshazari. Kuniwonyere kutambua kwaro, kwa kukaia wandu wa hikima wose wa wuzuri ghwapo yawilema kutambua. Ela oho, angu kuko na roho ya milungu ielie, kwadima kunitambushira.”

DANIELI 5:14

Nasikire malagho ghako wei koko na roho ya milungu ielie andenyi kwako na kukaia kwawadie suku na kumanya na hikima ndicha.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

MABONYO GHA WADUMI 12:22

Wandu wikaghora na lwaka lubaa wikighamba, “Ni lwaka lwa mlungu si lwa mdamu anduangi.”

DANIELI 2:11

Iji ilagho mzuri wawuyakotia jakurie, na ndekuwadie mdamu ungi udimagha kummbonyera, isaakaia ngera milungu iseko na mimbi.”

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

MABONYO GHA WADUMI 16:16

Nao iji derekoghe dikighenda andu kolombia Mlungu, dikakwana na mwai mzumba umu uko na roho mbiwi ya wulodi, ukakaia ukiwipatira weke bwana wake fwaida nyingi kwa wulodi ghwake.

MABONYO GHA WADUMI 14:11

Nao iji wandu wawona seji Paulo orebonyereghe, wikaghora kwa lwaka lubaa kwa kiteto cha Lukaonia, “Milungu yadiseria kwa fwana ya wadamu!”

KUZOYA 41:38

Mzuri ukawizera wadumiki wake, “Welee, dadima kumpata hao mundu sa uhu uko na Roho wa Mlungu andenyi kwake.”

EZEKIELI 28:3

Kuaghesha kedi koko na hikima kuchumba Danieli, na wei ilagho jingi ndejivisikie kwako.

DANIELI 1:4

Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

DANIELI 2:22

Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

EZEKIELI 28:4

Kwakupatire mali kwa hikima na kumanya kwako; kwatumbanyire dhahabu na feza andenyi ya mali rako.

DANIELI 4:5

Ngaloda ndodo ikaniobosha, ngelo nerekoghe nalala wulinyi kwapo ngiririkanya na kughesha malagho, nao ngaturukia.

DANIELI 4:6

Kwa huwo ngafunya momu kukaia wandu wose wa hikima wiko Babuloni wiredo kwapo, wipate kunimanyisha kutambushira kwaro iyo ndodo.