DANIELI 4:37 - Biblia Ilagho Jiboie Kwa Wandu Wose

³⁷ Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

DANIELI 4:37 Referans Kwoze

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

ZABURI 119:75

Namanya ee BWANA kukaia kutanya kwako ni kwa hachi, na angu kwaninekie ikabo kwa hachi.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

ISAYA 5:16

Ela BWANA wa majeshi uchajoswa kwa hachi, na Mlungu uo Mweli wakuwonyera moni kukaia mweli kwa loli.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

WUFUNUO 16:7

Nao ngasikira madhabahu ikikema, “Niko koni, ee Bwana Mlungu Uwadie Ndighi Rose, kutanya kwako ni kwa loli na hachi.”

DANIELI 5:4

Wikanywa divei, wikawoka kuikasa milungu ibonyero kwa dhahabu na feza, na shaba, na chuma, na midi na magho.

DANIELI 4:3

Iro alama rake ni mbaa saki, na mashiniko ghake ghawadie ndighi saki! Wuzuri ghwake ni ghwa kala na kala, nao wadabonya nguma kivalwa hata kivalwa.

EZEKIELI 16:56

Welee, ndekodeeka kukimseka mwanyinyu Sodoma ingelo korekukasagha

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

JEREMIA 50:29

“Wizerenyi wakumbi mawanu wichelasa wandu wa Babuloni, ee, awo wose witumiagha ndana. Bonyenyi kambi mughurughaie muzi, mndungi wawo usefufunuke. Mlipenyi karakara na mabonyo ghake, mum'bonyere agho ghose karakara sa iji koni orebonyereghe, kwa kukaia wakukasire ukanimenya ini BWANA Mlungu, uo Mweli wa Israeli.

DANIELI 4:26

Na sa iji erelaghiriloghe kusigha kirimba cha miri yaro, wuzuri ghwako ghuchamangishwa nyuma ya oho kumanya angu Mlungu wabonyagha nguma ndoenyi.

KUFUMA 8:4

Vichula ivo vichakuchumbia oho, wandu wako, na wadumiki wako wose.’”

ESTA 6:10

Nao mzuri ukamzera Hamani, “Bonya shwa-shwa kuwuse agho marwao na farasi, kum'bonyere ijo ishima uja Myahudi ukaiagha mbengenyi ya ngome. Kusesighe kum'bonyera jingi ja agho malagho ghose kwaghighora.”