DANIELI 4:35 - Biblia Ilagho Jiboie Kwa Wandu Wose

³⁵ Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

DANIELI 4:35 Referans Kwoze

ZABURI 135:6

Ijo jose BWANA ukundagha kubonya mlungunyi na ndoenyi wadajibonya, baharinyi na andu kumilie kose.

AYUBU 42:2

“Naichi kukaia kwadima kubonya maza rose, hata ndekuwadie mpango ghungi ghwako ghudimagha kughirilwa anduangi.

ZABURI 115:3

Mlungu odu oko mlungunyi, wadabonya ijo jose ujikundagha.

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

ISAYA 43:13

Ini ne Mlungu, nani neko Uo moni. Ndekuwadie mndungi udimagha kukira kufuma mkonunyi kwapo; nadabonya kazi mndungi usedimagha kuitangala.”

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

1 WAKORINTHO 2:16

“Angu nani uichi maghesho gha Bwana udimagha umfundishe?” Ela isi deko na maghesho gha Kristo.

AYUBU 40:2

“Oho kusimanagha na Uo-Uwadie-Ndighi-Rose, kwadima kumfunya makosa? Oho kumshitakiagha Mlungu, tumbulia.”

AYUBU 23:13

Mlungu ndeghalukagha. Ndekuwadie mndungi udimagha kumtangala. Wadaboya seji koni ukunde.

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

AYUBU 9:4

Mlungu oko na hikima na ndighi nyingi; ndekuwadie mndungi udimagha kusimana nao.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”

MABONYO GHA WADUMI 5:39

Ela ikakaia ni ya Mlungu, ndemdimagha kuwisima anduangi. Mwadima kuwoneka sa wandu mlwagha na Mlungu.” Nao wikawada maghesho gha Gamalieli,

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

MABONYO GHA WADUMI 9:5

Ukaghamba, “Nani oho Bwana?” Nao ukaghamba, “Ini ne Jesu uhu kwawuyamkoronga;

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

MABONYO GHA WADUMI 11:17

Ikakaia Mlungu wawinekie inosi ijo jeni oredinekieghe isi, iji dererumirieghe kwa Bwana Jesu Kristo, ini nani, hata nimtangale Mlungu?”

ZABURI 49:1

Sikirenyi agha inyo wandu wose! Deghenyi madu mmbose mkaiagha wurumwengunyi,

ZABURI 33:14

Wadawizighana wandu wose wikaiagha ndoenyi; kufuma andu uko kidombo kifumbinyi chake cha nguma.

ZABURI 39:5

Kwaghibonyere matuku ghapo ghikaie matini; ngelo yapo ekaia moyo si kindo chingi kwako. Loli kula mdamu ni mruke mduu.

MCHILI 8:4

Mzuri wadabonya malagho kwa nguma; ndekuwadie mndungi udimagha kumkotia.

ISAYA 19:17

Isanga ja Juda jichareda kiture kwa Wamisri; wikakumbuswa malagho gha Juda tu, kula Mmisri uchangilwa ni wowa, kwa wundu ghwa mipango BWANA wa majeshi uibonyere aighu yawo.

DANIELI 6:27

Wadakira na kuvuvua, wadabonya alama na mashiniko mlungunyi na ndoenyi. Wamkirie Danieli kufuma kwa ndighi ra shimba.”

JONA 1:14

Kwa huwo wikamlilia BWANA wikaghamba, “Dakuvoya ee BWANA kusakeditalia ikosa kwa wundu ghwa kum'bwagha mundu usene ikosa, angu niko koni kwawona ikaie huwo ee BWANA.”

JOSHUA 2:2

Mzuri wa Jeriko ukaghorelwa kukaia wandu wamu wa Israeli wacha nakio kujizighana isanga.