DANIELI 4:33 - Biblia Ilagho Jiboie Kwa Wandu Wose

³³ Agho malagho ghikakatishwa aighu ya Nebukadnezari shwa wori. Ukaghenjwa noko kufuma kwa wandu; ukaja nyasi sa ng'ombe, na mumbi ghwake ghukakabwa ni mami kwa mishushure ya mlungunyi, hata iridia jake jikazogua na kuwuya ilacha sa mafuri gha indu, na chwakule rake rikawuya ndacha sa ra nyonyi.

DANIELI 4:33 Referans Kwoze

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

DANIELI 5:21

Orefunyiroghe kwa wandu, akili rake rikaghaluswa rikawuya ra nyamandu, ukakaianya na furo na kuja nyasi sa ng'ombe; mumbi ghwake ghukakabwa ni mami kwa mishushure ya mlungunyi hata ukatambua kukaia Uo-Uko-Aighu-Nandighi wabonyeragha mawuzuri gha ndoenyi nguma, na kummbika m'baa uo ose umkundagha.

DANIELI 5:5

Shwa wori mkonu ghwa mundu ghukawoneka ghukiandika aighu ya wurigha ghwa ngome ya mzuri kulangaya kilambo chewikiria taa; mzuri ukawona ugho mkonu ghukiandika.

ISAYA 30:14

Kughwa kwaro kuchakaia karakara na chombo cha mvimbi chabarika na ndighi, hata lusoweke luwigha lodima kudwa maka gha modo, angu lodaya machi kiriwenyi.”

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

1 WATHESALONIKE 5:2

Angu inyo mmbeni mwaichi putu kukaia ijo Ituku ja Bwana jiacha seji kitoi chichagha nakio.