DANIELI 3:26 - Biblia Ilagho Jiboie Kwa Wandu Wose

²⁶ Niko Nebukadnezari ukasoghoda kaavui na iwiwi ja modo ukaghamba, “Shadraka, Meshaki, na Abednego, wadumiki wa Mlungu Uko Aighu Na Ndighi, fumenyi shwa-shwa, muche aha!” Nao Shadraka, na Meshaki, na Abednego wikafuma modonyi.

DANIELI 3:26 Referans Kwoze

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 4:2

Nawona nicha kummanyisha alama na mashiniko ghibonyero kwapo ni uo Mlungu Uko Aighu Na Ndighi.

WUFUNUO 19:5

Lukacha lwaka kufuma kifumbinyi cha nguma lukighamba, “Mkasenyi Mlungu odu inyo wadumiki wake, inyo mmbose mumuobuagha watini na wabaa.”

WAGALATIA 1:10

Wele naawuyakunda kukaswa ni wandu, angu ni Mlungu? Anguu, huwu naawuyatima kuwiboia wandu? Ngera nadadua ngiwiboia wandu, kumangu seredimagha kukaia mdumiki wa Kristo anduangi.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

ISAYA 52:12

Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

JOSHUA 4:10

Angu wakohani werekaieghe kimusi aghadi ya Jordani, hata malagho ghose BWANA oremlaghirieghe Joshua uwighorie wandu ghikameria kubonywa seji Musa oremlaghirieghe Joshua. Wandu wikashashira kuruwuka moda.

JOSHUA 3:17

Hata iji wandu werekoghe wikiida, awo wakohani wereidukieghe Sanduku ya Ilaghano wikakaia kimusi andu kuomie ghadi na ghadi ya moda ghwa Jordani.

MABONYO GHA WADUMI 16:37

Ela Paulo ukamzera, “Wadikabie imbiri ya wandu wose disetanyiro, nesi de Waroma; sena wadingirie jela, da sena weekunda kudifunya kwa kiviso? Ii hata; ndewiche widifunye weni.”

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

EZRA 5:11

“Wikaditumbulia huwu, ‘Isi de wadumiki wa Mlungu wa mlungunyi na ndoenyi, nesi diaagha nyumba ereaghiloghe miaka mingi isirie, iyo mzuri m'baa wa Waisraeli oreiaghieghe na kuimeria.

KUZOYA 14:18

Na Melkizedeki mzuri wa Salemu ukamredia mkate na divei, nao orekoghe ni Mkohani wa Mlungu-Uko-Aighu-Nandighi.

MABONYO GHA WADUMI 27:23

Angu ikwau, malaika wa Mlungu wapo uo nimtasagha, orekoghe kimusi kaavui nani

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

1 WAZURI 8:51

Awo ni wandu wako na ifwa jako, korewifunyireghe Misri ghadi na ghadi ya iwiwi ja modo ghubirie.

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

ZABURI 66:12

Kwasighie wamaiza wedu wikadichang'acha-chang'acha; daidie aghadi ya modo na machinyi, ela sena kukadireda andu kwa banana.

DANIELI 6:21

Niko Danieli ukamtumbulia, “Ee mzuri dua moyo!