DANIELI 3:25 - Biblia Ilagho Jiboie Kwa Wandu Wose

²⁵ Nao ukawizera, “Ela naawuyawona wandu bana wifungulo, nawo waawuyasela andenyi ya modo wisewonagha ilagho jingi! Na fwana ya uo mundu wa kana ooka sa awo wana wa milungu.”

DANIELI 3:25 Referans Kwoze

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

MABONYO GHA WADUMI 28:5

Ela Paulo ukaighughudua ija choka modonyi, nao nderepatiroghe ni kiwiwi chingi anduangi.

MARKO 16:18

Wichawada choka, na hata ngera wanywa kindo chingi chebwagha, ndewichaawona ilagho jingi anduangi. Wichawiwikiria wakongo mikonu, nawo wichaboa.”

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

ZABURI 34:7

Malaika wa BWANA wadabonya kambi, kuwimara chia rose awo wimuobuagha; nao wadawikira.

1 PETRO 3:13

Idana nani udimagha kum'bonya kiwiwi, ikakaia inyo mwawuyafunga ndighi kwa kubonya nicha?

DANIELI 3:18

Ela ukakaia usebonyere huwo, kumanye ee mzuri, isi ndedidimagha kuidumikia milungu yako, hata kuitasa ija fwana ya dhahabu koreiwikieghe.”

AYUBU 38:7

Ngelo iyo, nyerinyeri ra nakesho rereborieghe chiaimweri, na weke malaika wose wikazuma kwa kuboilwa.

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

JEREMIA 1:8

Kusakeobua wandu, angu ini neko andwamweri na oho kukukira.”

JEREMIA 1:19

Wichalwa na oho, ela ndewichaakusima, kwa kukaia ini neko chiaimweri na oho nipate kukukira.”

JEREMIA 15:21

Nichakukira kufuma mikonunyi ya wandu wawiwi, na kukukombua kufuma kwa wakorongi.”

DANIELI 3:24

Niko mzuri Nebukadnezari ukashinika na kuwuka kimusi kwa shwa-shwa; ukawikotia wanjama wake, “Welee, ndediwikumbieghe wandu wadadu wifungie andenyi ya modo?” Wikamtumbulia mzuri, “Ni loli ee mzuri.”

DANIELI 6:23

Nao mzuri ukaboilwa nandighi; ukafunya momu Danieli ujoso na kufunywa kizimbenyi cha shimba. Niko Danieli ukajoswa na kufunywa kizimbenyi cha shimba, nao nderekoghe na alama ingi eshoghonolwa iwonekagha mumbinyi kwake, kwa kukaia orekoghe ukimrumiria Mlungu wake.

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.