DANIELI 2:39 - Biblia Ilagho Jiboie Kwa Wandu Wose

³⁹ Nyuma ya oho, uchawuka mzuri mzima; na wuzuri ghwake ghuchakaia mtini kuchumba ghwako. Wuzuri ghumu ghwa kadadu, niyo iyo shaba, ghuchaabonya nguma wurumwengu ghose.

DANIELI 2:39 Referans Kwoze

DANIELI 2:32

Chongo cha fwana iyo cherekoghe cha dhahabu ieleshero; lagha yake na mikonu erekoghe ya feza; kifu chake hata barenyi, erekoghe ya shaba;

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

DANIELI 10:20

Niko ukaghamba, “Kwamanya kwaki nacha kwako? Idana nichawuya kulwa na uja m'baa wa Pashia, nani ngameria kumsima, m'baa wa Wagriki uchacha.

DANIELI 8:20

“Iyo bauru kuiwonie iko na mbembe iwi, ni wazuri wa Waamedi na wa Pashia.

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.

ZEKARIA 6:3

ja kadadu jerekokoteroghe ni farasi ra chokwa, na ja kana jerekokoteroghe ni farasi ra maboli gha fusifusi.

DANIELI 7:23

“Niko ukanimanyisha: ‘Ija nyamandu ya kana ni wuzuri ghuchaawoneka ndoenyi; nagho ghuchakaia na wuchumbano na mawuzuri mazima. Wuzuri ugho ghuchasima ndoenyi kose; ghuchaichikanya na kuifasha fasha.

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

DANIELI 2:40

Sena ghuchacha wuzuri ghwa kana, ghuko na wudimi sa chuma. Kwa kukaia chuma chadabara na kusaghisa vilambo vose, ugho wuzuri ghuchabara-bara vilambo sa iji koni chuma chibaragha vilambo.

DANIELI 8:21

Fwandi ni mzuri wa Wagriki, na luja lwembe lumweri luko ghadi na ghadi ya meso ghake ni mzuri wa imbiri.