DANIELI 11:7 - Biblia Ilagho Jiboie Kwa Wandu Wose

⁷ Ngelo iyo, umu wa kivalwa chake uchawuka kuwada wulalo ghwake, nao uchakaba ijeshi ja mzuri wa Siria, uchawada ngome rawo na kuwisima.

DANIELI 11:7 Referans Kwoze

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

EZEKIELI 17:18

kwa kukaia orejimenyereghe ighemi na kuchikanya ilaghano; angu orekufunyireghe sena ukaghaluka, ndechaakia anduangi.

JEREMIA 12:2

Oho kwadawiwa nawo wadadunga miri; wazoghua na kuva matunda; wadakughora nicha, ela ngolo rawo weko kula na oho.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 9:14

Kwa huwo BWANA wadumbua chongo na mkomba kufuma kwa Israeli, na lumbashu lwa mtende na maria kwa ituku jimweri.

ZABURI 109:8

Matuku ghake ndeghisie shwa-shwa; na mundu mzima ndewade wulalo ghwake!

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

AYUBU 14:7

“Jeko isuwirio kwa mudi; iji ghwademwa, ghwadima kudungia sena, na mbashu raro nderichaaleka kudungia.

DANIELI 11:6

Nyuma ya miaka imu, mzuri wa Misri, uchawadana na mzuri wa Siria. Uo mzuri wa Misri uchamlowora mwai wake eri wikaie na sere. Uo mwai ndechaadua na iro ndighi rake, hata mumi wake na mwana wake ndewichaakaia na ndighi redua, ela matuku agho uchabwaghwa chiaimweri na mumi wake na mwana wake na wadumiki wake.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.