DANIELI 11:33 - Biblia Ilagho Jiboie Kwa Wandu Wose

³³ Wandu wiko na hikima aghadi ya awo wandu, wichawifundisha wengi; hata ngera wichabwaghwa kwa lufu, angu kukorwa, angu kubarishwa kwa ngelo imu.

DANIELI 11:33 Referans Kwoze

JOHANE 16:2

Wandu wichammbinga sunagoginyi rawo, sena ngelo iacha uo ose ucham'bwagha inyo, uchaghesha wei, uamdumikia Mlungu.

MATHAYO 24:9

“Wichamfunya mtiriro na kubwaghwa, nenyo mchamenywa ni mbari rose kwa wundu ghwa irina japo.

MALAKI 2:7

Ni kazi ya mkohani kufundisha malagho gha loli gha Mlungu. Yawifwana wandu wighendeghe kwa mkohani, wipate kufundishwa sharia rapo angu uo ni mdumwa wa BWANA Uwadie-Ndighi-Rose.

WUFUNUO 17:6

Nani neremmbonieghe uo muka uwongerelo ni bagha ya waeli, na ya wandu werebwaghiloghe kwa wundu ghwa kumshuhudia Jesu. Hata iji neremmbonieghe, ngashinika na ndighi.

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

2 TIMOTHEO 4:6

Angu ini nalighisa kufunywa kizongona, na ngelo yapo eghusigha ughu wurumwengu yavika.

2 TIMOTHEO 1:12

na kwa wundu ugho, niko nawuyapatwa ni ughu wasi. Ela sifwagha waya, angu namwichi uo nimrumirie, nani neko na wuloli kukaia wadima kuchilindia icho nichiwikie kwake hata Ituku jija.

1 WAKORINTHO 4:9

Ini naawuyawona seji Mlungu oodiwika dikaie worinyi isi wadumi wa kutua, sa wandu ditanyiro kubwaghwa. Dakaia mazighano kwa wurumwengu, na kwa weke malaika, na kwa wadamu.

MABONYO GHA WADUMI 14:21

Nyuma ya Paulo na Barnaba kuchila Ilagho Jiboie muzi ghwa Deribe na wandu wengi kurumiria, wikawuya Lustera na Ikonio na Antiokia.

MABONYO GHA WADUMI 11:26

nao uendammbona ukamreda Antiokia. Na kwa mwaka ghose mlazi werekoghe wikikwana na ikanisa, wikawifundisha wandu wengi na ndighi; na aho Antiokia, kwa indo ja imbiri, wanughi werezoeghe kuwangwa Wakristo.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MATHAYO 20:23

Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”

MATHAYO 13:11

Jesu ukawitumbulia, “Inyo mwanekelo kurimanya ngasu ra wuzuri ghwa mlungunyi, ela awo ndewinekelo anduangi.

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.