DANIELI 11:3 - Biblia Ilagho Jiboie Kwa Wandu Wose

³ “Niko uchawuka mzuri umu uko na ndighi nyingi, nao uchabonya nguma kwa ndighi mbaa na kubonya sa iji koni uchaakunda.

DANIELI 11:3 Referans Kwoze

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

DANIELI 8:21

Fwandi ni mzuri wa Wagriki, na luja lwembe lumweri luko ghadi na ghadi ya meso ghake ni mzuri wa imbiri.

DANIELI 7:6

Nyuma ya agho, ngazighana na kuwona nyamandu zima ifwanane na inge, iko na mawawa ana gha nyonyi mghongonyi kwake; nayo erekoghe na vongo vina, ikanekwa kubonya nguma.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

WAEBRANIA 2:4

Mlungu ukikushuhudia kwa chia ya alama na mashiniko, na weke mwakilimbiti wazima-wazima, na kwa manosi gha Roho Mweli ghiwaghilo karakara na seji orekundieghe moni.

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.