DANIELI 10:13 - Biblia Ilagho Jiboie Kwa Wandu Wose

¹³ M'baa wa wuzuri ghwa Pashia wanitangalie kwa matuku mirongo iwi na jimweri. Ela Mikaeli, umu wa waja weke malaika wabaa, ukacha kunitesia; kwa kukaia nedesighwa niekeri na uo m'baa wa wuzuri ghwa Pashia.

DANIELI 10:13 Referans Kwoze

JUDA 1:9

Ela uo malaika m'baa Mikaeli, iji orekoghe ukisimana na Ibilisi, kwa kubonya nganyi aighu ya mumbi ghwa Musa, nderedimieghe kumtanya kwa madedo ghangi gha kudukana anduangi; ela ukaghamba, “Bwana ndekukemie.”

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

WUFUNUO 12:7

Niko wuda ghukabuka mlungunyi, Mikaeli na weke malaika wake wikilwa na iyo choka, na iyo choka ikalwa chiaimweri na weke malaika wake;

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.

1 WATHESALONIKE 2:18

kwa kukaia derekundeghe kuwuya konyu, ini moni Paulo natimie sena na sena; ela Shetani ukadighiria.

WAKOLOSAI 2:10

nenyo mwachulwa ni irangi andenyi kwake, uo uko chongo aighu ya nguma rose na kudima.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

EZRA 4:24

Kazi eagha Hekalu ya Mlungu andenyi ya Jerusalemu ikasighwa; nayo erelekeloghe hata mwaka ghwa kawi ghwa kubonya nguma kwa Dario mzuri wa Pashia.