AYUBU 8:3 - Biblia Ilagho Jiboie Kwa Wandu Wose

³ Welee, Mlungu wadalaghasha loli? Angu Uo-Uwadie-Ndighi-Rose wadalaghasha hachi?

AYUBU 8:3 Referans Kwoze

2 MALAGHO GHA NGELO 19:7

Idana muobuonyi BWANA; mkulindie na ijo m'bonyagha, angu BWANA Mlungu odu ndelaghashagha loli, hata ndesaghuagha, hata ndetuwagha.”

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

DANIELI 9:14

Kwa wundu ugho oho BWANA kukakaia tayari kudikaba; angu oho BWANA Mlungu odu koko mhachi kwa kazi rako rose kuribonyere, na isi dikalegha kukusikira.

WUFUNUO 16:7

Nao ngasikira madhabahu ikikema, “Niko koni, ee Bwana Mlungu Uwadie Ndighi Rose, kutanya kwako ni kwa loli na hachi.”

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

EZEKIELI 33:20

Sena muaghamba wei chia rapo si ra hachi kungi. Ee wandu wa Israeli, nichamtanya kula mundu kunughana na mabonyo ghake.”

EZEKIELI 33:17

“Sena niko wandu wako wawuyaghamba wei chia rapo si ra hachi kungi; na hoku chia rawo niro riseko ra hachi.

EZEKIELI 18:25

“Elaima sena mwaawuyaghamba ‘BWANA ndewuebonya hachi kungi.’ Sikirenyi idana inyo wandu wa Israeli, Loli siwuebonya hachi? Welee, si inyo mmbeni msewuebonya hachi anguwada?

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

ZABURI 89:14

Wuzuri ghwako ghoomangishwa aighu ya hachi na loli; oho kwadabonya maza rose kwa lukundo lukatie na wuloli.

AYUBU 40:8

Kwadima kunitala ini kukaia mkosi? Kwadima kunitanya ini kukaia mkosi eri oho kukaie mhachi?

AYUBU 40:2

“Oho kusimanagha na Uo-Uwadie-Ndighi-Rose, kwadima kumfunya makosa? Oho kumshitakiagha Mlungu, tumbulia.”

AYUBU 35:13

Loli Mlungu ndesikiragha kililo cha duu; Uo-Uwadie-Ndighi-Rose ndechitalagha.

AYUBU 34:5

Ayubu waghamba wei ndekosere, na kedi Mlungu oomsoka hachi rake.

AYUBU 21:20

Wakaung'a ndewikabo weni kwa wundu ghwa kaung'a rawo; ndewiwone machu gha Uo-Uwadie-Ndighi-Rose seji ghiko.

AYUBU 21:15

Nani Uo-Uwadie-Ndighi-Rose hata dimdumikie? Dipata fwaidaki dikalombagha kwake?’

AYUBU 19:7

Iji nakabwa naawuyakema, ela mndungi ndewuyesikira; nawanga nandighi, ela siwuebonyerwa hachi.

AYUBU 10:3

Koowona nicha kunikoronga, na kumenya kuumba kwako, nao kurumirie mipango ya mmbiwi?

AYUBU 9:2

“Loli naichi huwo niko iko: ela mdamu wadima wada kukaia mhachi imbiri ya Mlungu?

AYUBU 4:17

‘Mdamu uidagha, wadima kukaia mhachi imbiri ya Mlungu? Mdamu wadima kukaia uelie imbiri ya Muumbi wake?

AYUBU 36:3

Naichi malagho malazi, nani nichawonyera seji Muumbi wapo uko na hachi.

AYUBU 36:23

Nani udimagha kumghoria Mlungu jebonya, angu nani udimagha kumshitakia kukaia mkosi?

AYUBU 37:23

Uo-Uwadie-Ndighi-Rose ooka m'baa disedimagha kumvikia; uo ni mloli na mhachi, nao ndekorongagha mndungi anduangi.

AYUBU 19:6

manyenyi ni Mlungu unibonyere huwu, na kunifunga na nyavu yake.