AYUBU 4:10 - Biblia Ilagho Jiboie Kwa Wandu Wose

¹⁰ Wawiwi waruma na kudoka sa shimba, ela Mlungu wawinyamira na kuchikanya maghegho ghawo, na maghegho gha shimba ngoo ghachika.

AYUBU 4:10 Referans Kwoze

ZABURI 58:6

Ee Mlungu, chikanya maghegho ghawo, kuchikanye maghegho mabaa gha awo wana wa shimba ee BWANA.

MAKATANISHO 30:14

Weko wandu wikundagha kuwipata fwaida wakiwa na wandu wisowagha kwa kinyanya; na iyo niyo cheni witumiagha kughenjesha marangi ghawo.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

ZABURI 3:7

Wuka kunikire ee BWANA Mlungu wapo, kwadawikaba wamaiza wapo wose, na kuwifusha waya; kwadawisirisha ndighi.

AYUBU 29:17

Nerewisirishireghe wang'eti ndighi; ngawivuvua awo werewikorongagha.

AYUBU 5:15

Ela Mlungu wadawikira wana wakiwa wisebwagho ni wamaiza wawo; wadawikira na ndighi ra awo wiwadie kudima.

ZABURI 58:7

Ndewilaghae sa machi ghiidagha; ndewifasho-fasho sa nyasi na kuoma.