AYUBU 2:8 - Biblia Ilagho Jiboie Kwa Wandu Wose

⁸ Ayubu ukawada luwigha lokusuwa, ukasea kidombo a ivunyi.

AYUBU 2:8 Referans Kwoze

AYUBU 42:6

Nakumenya ini moni, na kuhea ngisea kidombo aterinyi na ivunyi.”

JONA 3:6

Mzuri wa Nineve uendasikira agho malagho ukainjika kifumbinyi chake cha nguma, ukarua nguwo yake, ukakurusha nguwo ya igunia na kusea kidombo aivunyi.

EZEKIELI 27:30

wikikulilia na kukema kwa kuwawa kubaa. Wakumba teri aighu ya vongo vawo, na kughala-ghala a ivunyi;

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ZABURI 38:7

Nawadwa ni homa, hata siko banana anduangi.

ZABURI 38:5

Vonda vapo varurugha vianuka, kwa wundu ghwa wukelu ghwapo.

2 SAMUELI 13:19

Tamari ukakudunga ivu chongonyi, ukarashua jija irinda jake ilacha orejirwaeghe, ukaduka mikonu yake chongo, ukaghenda ukikema na kulila.

AYUBU 2:9

Niko mkake ukamzera, “Kuduagha mloli? Muewie Mlungu kufo.”

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

ESTA 4:3

Itangazo ja mzuri jiendamanyika masanga ghose, chikakaia kililo kibaa kwa Wayahudi wose. Wose wikalila wikisirimika, wikafunga tumu, wikilila na kukema mchungu, na wengi wawo wikirwa nguwo ra magunia na kulala maivunyi.